Lúkas 12:5 - Esaa-líat ɛ́ péná

⁵ Mag étɛ ɓɛ́nɛ nzáá maná nyɛ́ɛ li kɔn lí woŋ; nyɔ́ a lɛ nɛ́, ámbúh li ól, a byɛ́ɛ̄ ŋguu li lɛŋgɛ á éɓēl ɛ́ nzáan, nyɛ́ nɛ́ miní kɔn woŋ. Ɔɔ, mag laga ɓɛ́nɛ, kɔnán nyɛ́ woŋ.

Lúkas 12:5 Iomraidhean Croise

Matéus 10:28

Miníh kɔnɔ́g ɓé ɓot bí ŋga ól nyúū mut woŋ, ndí ɓáh la ɓé lí ól lí m̀búl. Ndí mut a ŋga lā li ól lí m̀búl la nyuú, a óm ɓɔ̄ á éɓēl nzáan, nyɛ́ nɛ́ miní kɔn woŋ.

Matéus 25:41

Ámbúh náŋ, káísa ag kɛ hɔ́ lí laga lí ɓot bí ŋga ɓɛ́ nyɛ́ á m̀ɓɛ́ŋgáa nɛ́: ‹Nɛŋlán la ma, á mílɔgɔ́g mí ɓot mí! Kɛnán á éɓēl-nzáan nyí ɛ́ ŋgá dím ɓé, yé lɛ́ m̀ɓoŋhágan ányúū ǹsɔhɔ la áŋgɛl yɛ́ɛ́.

Matéus 25:46

Jɔ́ nɛ́, bíg kɛ li kuh lí ékɔ́ghɛ á éɓem la á éɓem. Ɓáŋá ki bí tɛ́ɛ́ sim, bíg kɛ li kuh lí éniŋ éɓem.»

Matéus 5:22

Ndí ma, mag laga ɓɛ́nɛ nɛ́: tɔ nzáá a ŋga álye mɔɔ́nyāŋ, bíg kɛ la nyɛ́ á bíkááhɛ́nɛ́. Nyɔ́ la nyɔ́ a ŋga kɛ́ li óŋo lí mɔ́ɔ̄nyāŋ nɛ́: ‹Ejóŋ-mut›! Bíg kɛla nyɛ́ á ŋkál á ɔ́ku-vicɛ́ŋ-ví-bíkāāhɛ́nɛ́. Nyɔ́ ki a ŋga óŋo nyɛ́ nɛ́: ‹Mut-a-nzeg›, a kɔ́ɔ́ nɛ́ bí léé nyɛ́ á éɓēl yé nzáan.

Málkus 13:23

Ɓɛ́nɛ hɔ́, nyɔŋán lítāt, ányúū nɛ ma yíhɛ́ ɓɛ́nɛ míŋ mam mísɛ ɔ́sū ví eceg.»

Elōg-Tésaloníka 1 4:6

Á yé ɛ́ ŋga légɓe mpuŋgú á ndeŋg la ɓondígá ma sɔ́lé ɓɛ́nɛ li laga, mut tɔ wa āh nyɛɛ ɓé lí kwɛ́m lí mɔɔ́nɛ́sāŋ tɔ li ɓɔŋ lí nyɛ aɓé átɔm nɛ́, Nyɔ́ŋ-Ɛsáŋɛ́ ag kɔ́ghɛ ɓaɓɔŋ míŋ mam mísɛ, kaa yé bi lagléé la li yīgyɛ lí ɓɛ́nɛ.

Elōg-Hébɛl 10:31

Eɓéé-nyúū la nyɔ́ a ŋga ku ŋkál ɔ́sū ví Ɔlolómɛ̄ nyɔ́ a lɛ á éniŋ!

Pétlos 2 2:4

La mbálɛ, Ɔlolómɛ̄ āh láakɛ́ɛ ɓé áŋgɛl yí ɛ́ ɓɔŋɔ́ɔ́ áɓē, ndí a ómóó yɔ́ á eɓél ɛ́ nzáan, ápah a náŋɛ̄ yɔ ŋkágag la misáŋ mí bícɛɛ, á lí laaŋke lí ɔ́lɔ̄ ví ŋkál.

Biyɛ́ɛ́léné 14:7

Nyíŋ áŋgɛl ɛ ŋgí lɛgɛ la ŋguu nɛ́: «Kɔnán Ɔ́lolómɛ̄ woŋ, miní tí nyɛ́ lípēm átɔm nɛ́ eceg yá nyɛ́g, ŋgɛ́ŋ yɛ́ɛ̄ li kááhɛ ya kɔlan. Ɓéghánɛ m̀veg sí la lóō, túwɛ la ɓavoóm bísɛ mindím mí ŋga pámle.»

Biyɛ́ɛ́léné 15:4

Ɛtáŋɛ, nzáá a ŋgá kɔn ɓé wa woŋ é? Nzáá a ŋgá ɓégɛ ɓé jóō jɔ́ɔ é? Ányúū nɛ wā-ntámɛ́ nɛ ɔ lɛ Mpúán. Bikombo bísɛ bíg kɛ li sɔ́, la byɔ́ bí úm míɓɔ̄ŋ ɔ́sū vɔ́ɔ, ányúū nɛ mam mí m̀ɓɛɛŋ wa ɓɔ̄ŋ mí lɛ́ mbálɛ.»

Biyɛ́ɛ́léné 20:14

Váŋ nɛ́ ɓá lɛŋgɛ́ nyɛmb la ŋkɔŋ á ɓádūgu á ébúle yé nzáan. Ebúle yé nzáan nɛ́ ɛ́ lɛ nyɛmb ya yáhɛ́ ɛ́ɓáa nyí ya tíile!