San Mateo 8:2 - El Nuevo Testamento

² Ijkuakó se tlakatl tlen opalania inakayo omotoki inavak, omotlankuaketzki iva okilvi: —NoTeko, tla tikmonekiltis, techpajti de nin kokolistli para ma nichipavi.

San Mateo 8:2 Iomraidhean Croise

San Mateo 10:8

Xikinpajtikah in kokoxkeh, xikinpajtikah tlen palani innakayo, xikinyolitikah in mikameh iva xikinkixtikah amo kuali ejekameh. Imejvah Dios omechmakak ivelitilis, tonses amo xitlakobrarokah por tlen inkichivah ika ivelitilis.

San Mateo 13:58

In gentejtih de yejón altepetl amo okineltokayah in Jesús, iva por eso amo okinchi miekeh tetzavimeh itech yejón altepetl.

San Mateo 14:33

Ijkuakó, nochtin tlen okatkah ijtik barko omotlankuaketzkeh iyakapan Jesús iva okilvijkeh: —Tejwatzi yi neli tiiKone in Dios.

San Mateo 15:25

Ijkuakó in sivatl omotoki inavak iva omotlankuaketzki iyakapa, okilvi: —¡Tejwatzi noTeko, techpalevi!

San Mateo 18:26

Ijkuakó itlakeval omotlankuaketzki iyakapan wei tlanavati iva okitlatlavti: “Nimitztlatlavtia tejwatzi, ok techonchia iva nimitzkuapilis nochi tlen nimitzvikilia.”

San Mateo 2:11

Ijkuak okalakeh kalijtik, okittakeh in konetl ivan María tlen imama in konetl. Omotlankuaketzkeh iva okiweijkachijkeh in konetl. Satepa okintlapojkeh inkajajvah iva okitliekolijkeh oro, kopali iva ajviakayotl itoka mirra.

San Mateo 20:20

Ijkuakó itonana in Zebedeo omotoki inavak Jesús ivan ome itelpochvah, iva omotlankuaketzki iyakapa para kitlajtlanilis se netlatlavtili.

San Mateo 26:6

Jesús okatka Betania, kan ikalijtik in Simón, tlen Jesús okipajti ijkuak opalania inakayo.

San Mateo 28:17

Iva ijkuak okittakeh in Jesús, okiweijkachijkeh. Maski sekimeh amo okiyekneltokayah kox yen Jesús.

San Mateo 28:9

Pero san de repente Jesús okinnamiki itech ojtli iva okintlajpalo. In sivameh omotokijkeh inavak, okikxinavajtekeh iva okiweijkachijkeh.

San Mateo 4:9

iva okilvi: —Nochi nin nimitzmakas, tla timotlankuaketzas iva techweijkachivas.

San Mateo 8:1

Ijkuak Jesús otemok de kan tepetl, miekeh gentejtih okitokakeh.

San Mateo 8:25

Ijkuakó in momachtijkeh okijxititoh, iva okilvijkeh: —¡ToTeko, techmakixti! ¡Tapoolakih!

San Mateo 9:18

Ijkuak Jesús ok ijkó okinmilvijtoka, ijkuakó ovala se tlayakanki de kan tiotlamachtijkali, omotlankuaketzki iyakapan Jesús, iva okilvi: —Notakotzi yikin tlamitzi oixpolivik, pero tla tejwatzi tivalmuikas nokalijtik iva tiktlalis moma ipa, moyolitis.

San Lucas 4:27

Noijki nepa tiempo, ijkuak Eliseo okatka tiotenejmachti, noijki itech país de Israel okatkah miekeh tlen opalania innakayo. Pero Eliseo amo okipajti nion se de yejvah, sino okipajti san yen Naamán, tlen de país de Siria.

San Juan 9:38

Ijkuakó in tlakatl omotlankuaketzki inavak Jesús, okimavistili iva okilvi: —Ajá, noTeko, nimitzneltoka.

Hechos 10:14

Pedro otlanankili: —¡Amo, noTeko! Ne amo keman nikua itla yolkatl tlen amo chipavak.

Hechos 10:25

Ijkuak Pedro oajsito kaltempa, Cornelio okiski okinamikito iva omotlankuaketzki ikxitla para kimavistilis.

1 Corintios 14:25

Iva momatis nochi tlen kitlaatijtokeh itech inyolo, iva motlankuaketzaskeh kimavistiliskeh in toYejwatzi, iva kijtoskeh ke in toYejwatzi yi neli kajki inmovah.

APOCALIPSIS 19:10

Ne onimotlankuaketzki ikxitlan ilvikaktlatitlanili para nikmavistilis, pero ye onechilvi: —Amo techmavistili. Porke ne noijki nitekipanova para Dios ijkó kemi te ivan moknivah tlen amo kavah de tetlapoviah de Jesús. Xikmavistili san yen Dios. Porke tlen yi neli melajka tlen Jesús otechnextili yen tlen kinyolchikava in gentejtih ma kitematiltikah itlajtol in toYejwatzi.