San Lucas 9:51 - El Nuevo Testamento

⁵¹ Ijkuak yoajsia tonali para Jesús tlejkos ilvikak, Jesús ik okitlali yas para Jerusalén.

San Lucas 9:51 Iomraidhean Croise

San Marcos 16:19

Ijkuak Jesús otlanki okintlapovi, Dios okitlejkolti para ilvikak iva ompa Jesús omotlali ik iyekmapa in Dios.

San Lucas 12:50

Pero achto moneki nipanos itech se tlajyovilistli sa tlawel ovijtitok, iva nipanotok miek neyolkokoli asta ma ajsiki yejón ora.

San Lucas 13:22

Ijkuak Jesús oyaya para Jerusalén, opanotiaya itech altepemeh iva itech rancherías otlamachtijtiaya.

San Lucas 17:11

Ijkuak Jesús oyaya para Jerusalén, opanok ik región de Samaria iva de Galilea.

San Lucas 18:31

Jesús okinvikak ik se lado in majtlaktli ivan ome momachtijkeh, iva okinmilvi: —Axka ma tiviah para Jerusalén, kan mochivas nochi tlen okijkuilojkeh in tiotenejmachtijkeh aserka de yen iKone in Tlakatl.

San Lucas 19:11

In gentejtih okikakiah nochi nin tlajtoli tlen Jesús okinmilviaya, iva komo yi mero onajsia Jerusalén, Jesús okinmilvi oksé ejemplo, porke sekimeh okiyejyekovayah ke Dios nima yi pevas tlanavatis itech nin tlaltikpaktli.

San Lucas 19:28

Satepa de ijkó okijto, Jesús oksemi oonnevak para Jerusalén.

San Lucas 24:51

Iva mientras okintiochivaya, ijkuakó ope kinkajtejtiv iva oyá otlejkotia para ilvikak.

San Lucas 9:57

Ijkuak oyayah itech ojtli, ijkuakó se tlakatl okilvi in Jesús: —NoTeko, nikneki nias mova san kan tias.

San Juan 13:1

Antes de ilvitl de Pascua, Jesús yokimatia nik yoajsik ora para yaski de itech nin tlaltikpaktli iva yas inavak iTajtzi. Ye nochipa okintlasojtlak tlen iaxkavah itech nin tlaltikpaktli, sa tlawel okintlasojtlak asta omotemakti ma kixpolokah por yejvah.

San Juan 16:28

Ne onikiski inavak noTajtzi iva onivala itech nin tlaltikpaktli, iva axka nikajteva nin tlaltikpaktli iva nimokuapas oksemi inavak noTajtzi.

San Juan 16:5

Pero axka Ne niav inavak noTajtzi tlen onechvaltitlanki. Iva nion se de imejvah amo nechtlajtlania kan niav.

San Juan 17:11

’Ne ayakmo nietos itech nin tlaltikpaktli porke yi niav monavak, pero yejvah ok mokavah itech nin tlaltikpaktli. NoTajtzi, tejwatzi tichipavak, tejwatzi xikinkuidaro ika movelitilis tlen otechinmakak, para ma setitokah san sekka ijkó kemi tejvah tisetitokeh san sekka.

San Juan 6:62

¿Tlán inkiyejyekoskeh imejvah tla inkittaskeh iKone in Tlakatl tlejkos ilvikak kan okatka?

Hechos 1:2

iva asta ijkuak oyá ilvikak. Antes de oyaskia ilvikak, Jesús okintlapovi itiotlatitlanilvah tlen Ye okinpejpenki. Iva ika yen Tioijyotzintli okinnavatijtevak tlán moneki kichivaskeh.

Hechos 1:9

Satepa de otlanki ijkó okinmilvi, Jesús oyá otlejkotia para ilvikak. Mientras yejvah okajkovitokah, se mixtli okimokenki iva ayakmo okittakeh.

Efesios 1:20

ijkuak okiyoliti in Cristo iva okichi ma motlali ik iyekmapa itech ilvikak.

Filipenses 3:14

Iva ijkó kemi tlen motlelovah itech se netlelolistli, ne noijki nimochijchikava para najsiti kan moneki, iva ijkó nikselis in tlatliokolili tlen toYejwatzi technotza ma tikselikah por yen Cristo Jesús.

1 Timoteo 3:16

Mach onka omeeyotl ke in tlamachtilistli tlen toYejwatzi otechnextili yi neli melajka: Cristo ovitza kemi se tlaltikpaktlakatl. In Tioijyotzintli okiteititi nik in Cristo oyá chipavak. In ilvikaktlatitlaniltih okittakeh. Otetlapovijkeh de Ye sentetl itech países. Otlaneltokakeh inavak itech nochi in tlaltikpaktli. Iva toYejwatzi okiseli itech ilvikak ika mavissotlanextli.

Hebreos 12:2

Ma tiktlalikah totlachialis inavak Jesús, tlen itech vitz totlaneltokalis iva tlen kichiva ma yeto yektik in totlaneltokalis. Jesús okixiko in tlajyovilistli itech krus, iva maski okatka sa tlawel tepinati yejón mikilistli, Ye amo okichi kuenta, porke okimatia ke satepa okipiaskia miek pakilistli. Iva axka yi yetok ik iyekmapa de kan itekivajsiya in toYejwatzi.

Hebreos 6:20

Jesús ompa yokalakki iva otechtlapoli ojtli para tejvah, iva ijkó omochi wei tiopixki para semijkak ijkó kemi okatka in Melquisedec.

1 Pedro 3:22

Ye oyá ilvikak iva kajki ik iyekmapa in toYejwatzi, iva kinnavatijtok nochtin ilvikaktlatitlaniltih, nochtin tlen kipiah tlanavatijkayotl iva nochtin tlen kipiah velitilistli.