San Lucas 7:22 - El Nuevo Testamento

²² Iva Jesús okinnankili: —Xiviah xikilvitih in Juan tlen imejvah yonkittakeh iva yonkikakeh. Xikilvikah ke tlen amo otlachiayah axka yi tlachiah, in koxomeh yi kuali nejnemih, tlen opalania innakayo axka yi chipavih de inkokolis, tlen amo otlakakiah axka yi tlakakih, in mikameh moyolitiah iva in prowestih kikakih tlen yankuik kuali tlajtoli.

San Lucas 7:22 Iomraidhean Croise

San Mateo 11:5

Xikilvikah ke tlen amo otlachiayah axka yi tlachiah, in koxomeh yi nejnemih iva tlen opalania innakayo yopajtikeh de inkokolis. Tlen amo otlakakiah, axka yi tlakakih, in mikameh oksemi moyolitiah, iva in prowestih kikakih in yankuik kuali tlajtoli.

San Mateo 21:14

Ompa kan templo omotokijkeh inavak Jesús sekimeh tlen amo otlachiayah iva sekimeh koxomeh, iva Jesús okinpajti.

San Lucas 4:18

ITioijyotzi in toTeko kajki notech, Dios onechpejpenki para ma nikinmatilti in prowestih tlen yankuik kuali tlajtoli. Onechvaltitlanki ma nikinpajti tlen moyolkokovah, ma nikinmatilti tlen tzaktokeh ke kinkajkavaskeh, ma nikintlachialti tlen amo tlachiah, iva ma nikinmakixti tlen fiero kintoktiah.

San Lucas 7:21

Itech yejón ora, mero ijkuakó Jesús okinpajtijtoka miekeh tlen okipiayah tlatlamantli kokolistli, iva okinkixtiaya amo kuali ejekameh, iva okintlachialtiaya miekeh tlen amo otlachiayah.

San Lucas 7:23

Iva ma paki tlen akin amo kipolova itlaneltokalis nonavak.

San Juan 1:46

Natanael okilvi: —¿Velis kisas itla kuali de Nazaret? Felipe okinankili: —Xiviki, xikittaki.

Hechos 26:18

Nimitztitlani innavak para xikinmixtlajtlapo para ayakmo ma nemikah kan tlayova, sino kan tlanestok. Para ayakmo ma kinnavatijto in Amo Kuali Tlakatl, sino ma kinnavatijto yen Dios. Para ma tlaneltokakah nonavak iva ijkó velis nikintlapojpolvis de intlajtlakol, iva velis kipiaskeh erensia invan nochtin oksekimeh tlen noaxkavah.”

Hechos 8:7

Miekeh tlen okipiayah amo kuali ejekameh opajtikeh, iva in ejekameh asta otzajtziah ijkuak okisayah. Noijki opajtikeh miekeh koxomeh ivan vilantzitzintih.

Santiago 2:5

Notlasojkaiknivah, xikkakikah: In toYejwatzi okinpejpenki tlen prowestih itech nin tlaltikpaktli para ma kipiakah sa tlawel miek tlaneltokalistli, iva ma kiselikah inmerensia kan toYejwatzi tlanavatia, ijkó kemi Ye yokinkakiti kinmakas tlen kitlasojtlah.