San Lucas 7:16 - El Nuevo Testamento

¹⁶ Nochtin omomavtijkeh ijkuak ijkó okittakeh, iva ope kiweijkachivah in Dios, okijtovayah: —Yomonexti se wei tiotenejmachti tovah. Iva noijki okijtovayah: —Dios yovala para techpalevis tejvah tlen de Israel tlen tiiaxkavah.

San Lucas 7:16 Iomraidhean Croise

San Mateo 15:31

Nochtin gentejtih sa otlatlachixkeh ijkuak okinmitakeh in noontzitzintih ope tlajtovah, ijkuak in matepomeh opajtikeh, ijkuak in koxomeh yovelitiah onejnemiah, iva ijkuak yovelik otlachixkeh tlen amo otlachiayah. Iva ope kiweijkachivah in Dios de Israel.

San Mateo 21:11

Iva in gentejtih okijtovayah: —Nin yen tiotenejmachti Jesús de altepetl Nazaret tlen kajki kan tlali de Galilea.

San Mateo 28:8

Ijkuakó in sivameh oyajkeh san nima de kan mikatekochtli, oyajkeh de ompa ika miek nemavtili pero noijki ika miek pakilistli. Omotlelojkeh okinmatiltitoh in momachtijkeh de Jesús.

San Mateo 9:8

In gentejtih ijkuak ijkó okittakeh, omotetzavijkeh iva ope kiweijkachivah in Dios porke ivelitilis okinmakak in tlaltikpaktlakah.

San Lucas 1:65

Nochtin ivesinojvah sa otlatlachixkeh. Iva itech nochi in tepeyo de Judea oxitinki in tlajtoli de tlan opanolok.

San Lucas 1:68

Ma tikweijkachivakah in toTeko, Dios de Israel, porke ovala otechmakixtiko tejvah tlen tiiaxkavah.

San Lucas 19:44

Kixixititzaskeh inmosiudad iva ayakmo mokavas nepanitos nion oksé tetl. Nochtin imejvah imechmiktiskeh, iva ijkó imechpanos porke amo onkiselijkeh tlen Dios omechmakaya.

San Lucas 2:20

In tlajpixkeh omokuapkeh kan okatkah inmichkavah. Oyajkeh kiweijkachijtivih in Dios iva okimakayah tlasojkamachilistli por nochi tlen okittakeh iva tlen okikakkeh, porke opanolok ijkó kemi okinmilvi in ilvikaktlatitlanili.

San Lucas 24:19

Jesús okintlajtlani: —¿Tlán opanolok? Iva yejvah okinankilijkeh: —Tlen okipanok in Jesús de Nazaret. Para toYejwatzi Dios iva para nochtin gentejtih Ye okatka se wei tiotenejmachti. Ye okijto iva okichi miek tlamantli ika ivelitilis.

San Lucas 5:26

Nochtin omotetzavijkeh iva okiweijkachijkeh in Dios, iva ika miek nemavtili okijtojkeh: —Axka yotikittakeh se wei tlamantli tlen amo semi otikittayah.

San Lucas 5:8

Ijkuak ijkó okittak in Simón Pedro, omotlankuaketzki iyakapan Jesús, iva okilvi: —Xonmachiva de ne, noTeko, porke ne nitlajtlakole.

San Lucas 7:15

Ijkuakó tlen oixpolika, omejki iva ope tlapova, iva Jesús okimaktili imama.

San Lucas 7:39

Ijkuak ijkó okittak in fariseo tlen okinvitaro in Jesús, okiyejyeko: “Tla nin tlakatl yi neli oyeskia tiotenejmachti, okimomakaskia kuenta akin nin sivatl tlen kikikitzkia iva tlán itekiv, porke nin sivatl tlajtlakole.”

San Lucas 8:37

Tonses nochtin gentejtih de yejón tlali de Gadara okitlatlavtijkeh in Jesús ma via de ompa, porke sa tlawel omomavtiayah. Satepa Jesús otlejkok itech se barko iva omokuapki oksemi para Galilea.

San Lucas 9:19

Yejvah okinankilijkeh: —Sekimeh kijtovah tejwatzi tiJuan tlen tlabautisaro. Oksekimeh kijtovah tejwatzi tiElías, iva sekimeh kijtovah ke tejwatzi tiprofeta tlen yi wejkika otikatka, iva axka yotimoyoliti.

San Juan 1:21

Ijkuakó yejvah oksemi okitlajtlanijkeh: —Tonses, ¿akin te? ¿Te tiElías? Juan okinnankili: —Amo, mach ne. Oksé welta okitlajtlanijkeh: —¿Te tiprofeta tlen tikchixtokeh ma viki? Ye okinnankili: —Amo.

San Juan 1:25

iva okitlajtlanijkeh: —Tla amo te tiCristo, nion amo te tiElías, nion amo te tiprofeta, tonses, ¿akin omitznavati xitlabautisaro?

San Juan 4:19

In sivatl okilvi in Jesús: —Tejwatzi nesi kemi titiotenejmachti.

San Juan 6:14

Iva ijkuak in gentejtih okittakeh in wei tetzavkaneskayotl tlen Jesús okichi, okijtojkeh: —Yi neli, ye nin tiotenejmachti tlen otikchixtokah ma viki itech nin tlaltikpaktli.

San Juan 9:17

Ijkuakó oksemi okitlajtlanijkeh in tlakatl tlen amo otlachiaya: —¿Iva te tlán tikijtova de neká tlakatl tlen omitztlachialti? Iva ye okinnankili: —Ne nikijtova ke Ye se tiotenejmachti.

Hechos 5:5

Ijkuak ijkó okikakki, Ananías ovetzito ipan tlali iva oixpolivik. Iva nochtin tlen okimatkeh sa tlawel omomavtijkeh.

Hechos 7:37

Yen Moisés tlen achto okinmilvi in gentejtih de Israel: “ToYejwatzi imechvaltitlanilis se tiotenejmachti kemin ne, iva kisas de entre imejvah. Xikchivakah tlen Ye imechilvis.”

Gálatas 1:24

Iva okiweijkachivayah in toYejwatzi por ne.