San Lucas 7:13 - El Nuevo Testamento

¹³ Ijkuak in toTeko okittak in iknosivatl, okiknomatki iva okilvi: —Amo xichoka.

San Lucas 7:13 Iomraidhean Croise

San Marcos 8:2

—Nikinmiknomati ninmeh gentejtih. Yi kipia eyi tonali nova kateh iva amo kipiah tlán kikuaskeh.

San Lucas 10:1

Satepa, toTeko okinpejpenki expoali ivan majtlaktli momachtijkeh, iva okintitlanki de ojomeh ma sa tlayakanakah ma viah itech nochtin altepemeh iva ik rancherías kanik Ye panos.

San Lucas 11:1

Se tonali Jesús omodiostzajtzilijtoka ik sekka, iva ijkuak otlanki omodiostzajtzili, se momachti okilvi: —NoTeko, techmachti kenik timodiostzajtziliskeh, ijkó kemi Juan okinmachti tlen ye okinmachtiaya.

San Lucas 11:39

Iva Jesús okilvi: —Imejvah infariseos inmochipavah san panixko, pero ik inmoijtik imejvah intentokeh de tlen amo kuali iva de ichtekayotl.

San Lucas 12:42

In toTeko okijto: —¿Akin tlakevali tlen kichiva in tekitl kemi oyeskia iaxka iva itech se motenmachia? Kijtosneki yen tlen kitlalia iteko ma kinmitili tlen oksekimeh itlakevalvah, iva ma kintlamakah a tiempo.

San Lucas 13:15

In toTeko okinankili: —¡Imejvah inkipiah ome inmoixko! ¿Amo inkitotomah inmotoro o noso inmoburro ijkuak sábado iva inyavih inkatlititivih?

San Lucas 17:5

In tiotlatitlaniltih okilvijkeh in toTeko: —Techmaka okachi tlaneltokalistli.

San Lucas 17:6

In toTeko okinmilvi: —Tla imejvah onkipiaskiah tlaneltokalistli, maski seppa tzikitzi kemi isemiya in mostaza, onveliskiah onkilviskiah nin kuavitl sicómoro: “Ximovivitla de nika iva ximotooka kan atl tlen wei”, iva in kuavitl omechvelkakiskia.

San Lucas 18:6

Iva toTeko okijto: —Xikakikah tlen okijto in amo kuali jues.

San Lucas 19:8

Satepa Zaqueo omoketzki iva okilvi in toTeko: —NoTeko, nikinmakas in prowestih tlajko de nochi tlen nikpia. Iva tla íkka oniktlachteki ika tlakajkayavalistli, nikkuapilis navi welta okachi de tlen onikixtili.

San Lucas 22:61

Ijkuakó in toTeko omokuapki iva okonitak in Pedro, iva Pedro okilnamiki tlen toTeko okilvijka: “Axka, antes de tzajtzis in kaxtil, para ijkuakó te yotikijto eyi welta nik amo techixmati.”

San Lucas 24:3

Iva ijkuak okalakeh tlatlaijtik, ayakmo okajsikeh ikuerpo in toTeko Jesús.

San Lucas 24:34

Iva tlen ololitokah okinmilvijkeh: —Yi neli omoyoliti in toTeko, iva in Simón noijki yokittak.

San Lucas 7:12

Ijkuak oajsitoh serka kan puerta de yejón altepetl, okittakeh yavih kitookativih se mikatl. In tena de yejón mikatl okatka iknosivatl. Miekeh altepetlakah ivan oyayah.

San Lucas 7:14

Jesús omotoki iva okitilko in kaja. Iva tlen okikechpanovayah in kaja omoketzkeh. Jesús okilvi in mikatl: —Telpochtli, Ne nimitzilvia: ¡Ximeva!

San Lucas 7:19

iva okintitlanki inavak Jesús para ma kitlajtlaniitih kox yen Cristo tlen kipia de vitz, o noso ok moneki kichiaskeh ma viki.

San Lucas 8:52

Nochtin ochokayah iva omoyolkokovayah por yen takotzi. Pero Jesús okinmilvi: —Amo xichokakah. In takotzi ayamo ixpolivi, ye kochi.

San Juan 11:2

Nin María ikni in Lázaro, yen okiteekili ajviakayotl itech ikxivah in toTeko iva okinvajvachili ika itzonkal.

San Juan 11:3

Tonses, yejonmeh iknivah in Lázaro otlatitlankeh ma kilvitih in Jesús: —ToTeko, moyolikni Lázaro chikavak mokokova.

San Juan 20:13

In ilvikaktlatitlaniltih okitlajtlanijkeh in María: —Sivatl, ¿tleka tichoka? Ye okinnankili: —Okivikakeh ikuerpo in noTeko iva amo nikmati kan okikavatoh.

San Juan 20:15

Ijkuakó Jesús okitlajtlani: —Sivatl, ¿tleka tichoka? ¿Akin tiktemova? María okiyejyeko xamo yen tlakatl tlen kikuidarova in tlatokxochío, iva okilvi: —Tla tejwatzi otikvikak in kuerpo, techilvi kan otikavato, iva ne nikuiti.

San Juan 4:1

Jesús okimatki ke in fariseos yope motlapoviah de Ye. In fariseos okimatkeh nik yope okachi momiekiliah in momachtijkeh de Jesús iva okachi miekeh yokinbautisarovaya ke Juan.

San Juan 6:23

Satepa, oksekimeh barkotih de altepetl de Tiberias, oajsikoh serka kan antes okikuajkeh in pan satepa de ijkuak in toTeko okitlasojkamatki inavak Dios.

1 Corintios 7:30

Tlen moyolkokovah ma yekah kemi oyeskia pakih. Tlen pakih ma yekah kemi oyeskia moyolkokovah. Tlen tlakovah ma yekah kemi oyeskia amitla kipiah.

1 Tesalonicenses 4:13

Noknivah, tiknekih xikmatikah tlen panolos de yejvah tlen yoixpolikeh, para amo ximoyolkokokah kemi nekateh tlen amo kipiah nechialistli.

Hebreos 2:17

Iva por eso Jesús omonekia yetos ijkó kemi tejvah tlen tiiknivah, para ijkó ovelik omochi wei tiopixki tlen teiknomatki iva tenmachtli inavak toYejwatzi, iva ika imikilis ovelik otechkixtili totlajtlakol tlen titlaltikpaktlakah.

Hebreos 4:15

Tikpiah se towei tiopixki tlen techiknomati porke kimati nik amo tichikavakeh, porke ijkuak onenki itech nin tlaltikpaktli, in Amo Kuali Tlakatl okinekia kitoktis ma tlajtlakolchiva de miek tlamantli ijkó kemi tejvah techtoktia, pero Ye amo keman okichi tlajtlakoli.