San Lucas 23:4 - El Nuevo Testamento

⁴ Ijkuakó Pilato okinmilvi in tlayakankeh tiopixkeh ivan gentejtih tlen omololojkeh: —Ne amo nikajxilia itla tlamantli para velis nikijtos ke nin tlakatl tlajtlakole.

San Lucas 23:4 Iomraidhean Croise

San Mateo 27:19

Pilato oyetoka kan teyekankavah. Iva ijkuakó itonana otlatitlanki ma kilvitih: “Amo ximokalaki ivan yejón tlakatl tlen amitla tlajtlakoli kipia, porke nin yovak sa tlawel onimomavti tlen oniktemikki de Ye.”

San Marcos 15:14

Pilato okinmilvi: —¿Tleka? ¿Tlán okichi? Pero yejvah okachi chikavak otzajtziah: —¡Xikrusifikaro!

San Lucas 23:22

Ipan eyi welta in Pilato okinmilvi: —¿Tleka? ¿Kox itla okichi tlen amo kuali? Ne amo nikajxilia itla tlajtlakoli kemi para se kixpolos. Nitlanavatis ma kivitekikah iva satepa nikajkavas.

San Juan 18:38

Pilato okitlajtlani: —¿Iva tlán kijtosneki yejón tlen melajkayotl? Ijkuak Pilato ijkó okitlajtlani in Jesús, oksé welta okiski omotlapovito invan judiojtih, iva okinmilvi: —Ne amo nikajxilia itla tlamantli para velis nikijtos ke nin tlakatl tlajtlakole.

Hechos 25:25

Pero ne nikitta amitla okichi kemi para se ma kimikti. Iva komo ye okitlajtlanki ke inevia César ma kitlatzintoki, tonses ne onikijto okachi kuali niktitlanis asta Roma inavak César.

Hechos 3:13

Yen toYejwatzi Dios okipajti. Tlen Dios de Abraham, de Isaac, iva de Jacob, tlen yi wejkavitl tokojkolvah, okimakak wei tetlakitalistli itekipano Jesús, tlen imejvah onkitemaktijkeh para ma kixpolokah. Iva ijkuak Pilato okinekia kikajkavas, imejvah amo onkinekeh.

Hebreos 7:26

Tonses, Jesús yen wei tiopixki tlen omonekia para tejvah. Ye chipavak, itech Ye amo onka tlen amo kuali iva amo keman okichi itla tlajtlakoli. ToYejwatzi okisekankuik de invan tlajtlakolejkeh, okitlejkolti itech ilvikak, iva okitlali itech se lugar tlen okachi weititok de nochtin.

1 Pedro 1:19

sino ika iessotzi in Cristo tlen kipia miek ipati. Cristo oixpolivik kemi se ichkakonetl chipavak tlen amo kipia itla tlamantli fiero.

1 Pedro 2:22

Cristo amo kema okichi nion se tlajtlakoli, iva nion amo kema íkka okikajkaya.

1 Pedro 3:18

Porke Cristo noijki otlajyovi iva oixpolivik por totlajtlakol san se welta iva para semijkak. Ye amo okichi nion se tlajtlakoli, pero otlajyovi por tejvah tlen titlajtlakolejkeh, para ijkó techvikas inavak toYejwatzi. Oixpolivik kemi tlaltikpaktlakatl, pero in Tioijyotzintli okichi ma moyoliti.