San Lucas 23:2 - El Nuevo Testamento

² Ompa ope kiteilviah, okijtovayah: —Nin tlakatl kintlatlalvijtinemi topaisanojvah. Kijtova ke amo moneki se kitlaxtlavas impuestos para in wei tekiva César, iva kijtova nik yen Cristo, se wei tlanavati.

San Lucas 23:2 Iomraidhean Croise

San Mateo 17:27

Pero maski amo techtokarova de tiktlaxtlavaskeh, iva para amika ma kualani, xivia kan atl tlen wei, xikajkava moansuelo ijtik atl, iva in michi tlen achto tikixtis, xiktlapoli ikamak iva ijtik tikajsis se tomi, iva ika xiktlaxtlava tlen de Ne noimpuesto iva tlen de te moimpuesto.

San Mateo 22:21

Yejvah okinankilijkeh: —De César. Ijkuakó Jesús okinmilvi: —Xikmakakah in César tlen itech povi in César, iva xikmakakah in Dios tlen itech povi in Dios.

San Mateo 27:11

Jesús okivikakeh inavak in kobernador Pilato, iva Pilato okitlajtlani in Jesús: —¿Neli te tiwei tlanavati de judiojtih? Jesús okinankili: —Kema, ijkó kemi te tikijtova.

San Marcos 12:17

Ijkuakó Jesús okinmilvi: —Xikmakakah in César tlen itech povi in César, iva xikmakakah in Dios tlen itech povi in Dios. Iva omotetzavijkeh de kenik otlanankili.

San Marcos 15:2

Pilato okitlajtlani in Jesús: —¿Yen te tiwei tlanavati de judiojtih? Jesús okinankili: —Tejwatzi ijkó yotikijto.

San Lucas 23:14

iva okinmilvi: —Imejvah onnechvalikilijkeh nin tlakatl, inkijtovah kinpajsolojtinemi in gentejtih. Pero ne yoniktlatzintoki inmoixpa, iva amo onikajxili itla tlamantli de tlen imejvah ika inkiteilviah.

San Lucas 23:5

Pero yejvah okachi chikavak okijtojkeh: —San kinpajsolova in gentejtih ika itlamachtil itech nochi in tlali de Judea. Ope itech tlali de Galilea iva axka asta nika Jerusalén yoajsiko ika itlamachtil.

San Juan 18:29

Por eso Pilato okiski kiavak, iva okintlajtlani: —¿De tlan ik inkiteilviah nin tlakatl?

San Juan 18:30

Yejvah okinankilijkeh: —Nin tlakatl kichiva tlen amo kuali, por eso nika timitzvalikiliah.

San Juan 19:12

Desde ijkuakó Pilato ope kitemova kenik velis kikajkavas in Jesús, pero in judiojtih okachi otzajtziah chikavak, okijtovayah: —¡Tla tikajkavas yejón tlakatl, kijtosneki amo moyolikni in César, porke tlen kineki motenevas kemi wei tlanavati, kijtosneki kikualankaita in César, tlen wei tekiva!

Hechos 24:13

Nion amitla velis nechajxiliskeh de tlen ika nechteilviah.

Hechos 24:5

Kuali yotikixmatkeh ke nin tlakatl san tekokolismakak. Yen tlayakanki de se grupo tlen kintokayotiah nazarenos. Iva itech nochi in tlaltikpaktli san kinpajsolojtinemi in judiojtih.

Romanos 13:7

Xiktlaxtlavakah nochi tlen moneki inkitlaxtlavaskeh. Tla moneki inkitlaxtlavaskeh tlen kitlajtlani in kobierno, xiktlaxtlavakah. Tla moneki inkitlaxtlavaskeh impuesto, xiktlaxtlavakah. Tlen moneki inkitlakitaskeh, xiktlakitakah. Iva tlen moneki inkiyekitaskeh, xikyekitakah.