San Lucas 18:9 - El Nuevo Testamento

⁹ Okatkah sekimeh tlen omomachiliayah tlakamelajkeh iva okinmitayah tlen oksekimeh kemi oyeskia amitla inpati. Iva Jesús okinmilvi nin ejemplo:

San Lucas 18:9 Iomraidhean Croise

San Lucas 10:29

Pero in tlamachti de itlanavatil Moisés okinekia mokavas kuali, iva okilvi in Jesús: —¿Akin nokni?

San Lucas 15:2

In fariseos iva in tlamachtijkeh de itlanavatil Moisés ope tlapovah de Jesús, okijtovayah: —Nin tlakatl invah mosetilia tlen tlajtlakolejkeh, iva invah tlakua.

San Lucas 16:15

Ijkuakó Jesús okinmilvi: —Imejvah teixpa inmochivah kemi oyeskia intlakamelajkeh, pero Dios kixmati inmoyolo. Miek tlamantli tlen gentejtih kiweimatih, in Dios kikualankaita.

San Lucas 18:11

In fariseo omoketoka iva omodiostzajtzilijtoka ijkí: “Dios, nimitztlasojkamachilia porke ne amo nikchiva kemi oksekimeh, tlen tlachtekih, tlen amo kualmeh iva tlen avilnemih itech tlajtlakoli. Iva nion amo nikchiva kemi nin kobrador de impuestos.

San Lucas 19:7

Ijkuak in gentejtih ijkó okittakeh, nochtin ope kipojpovah in Jesús, okijtovayah ke Jesús okalakki omokalotito kan ikalijtik se tlakatl tlajtlakole.

San Lucas 7:39

Ijkuak ijkó okittak in fariseo tlen okinvitaro in Jesús, okiyejyeko: “Tla nin tlakatl yi neli oyeskia tiotenejmachti, okimomakaskia kuenta akin nin sivatl tlen kikikitzkia iva tlán itekiv, porke nin sivatl tlajtlakole.”

San Juan 8:48

Ijkuakó sekimeh judiojtih okilvijkeh: —Yompa tlen tejvah tikijtovah, te mach tikuali porke te de Samaria iva tikpia se amo kuali ejekatl.

San Juan 9:28

Ijkuakó yejvah ope fiero kilviah, iva okilvijkeh: —Te yotimochi timomachti de yejón tlakatl, pero tejvah timomachtijkeh de Moisés.

San Juan 9:34

Yejvah okilvijkeh: —Te ipa titlajtlakole otineski, ¿iva axka tikneki techmachtis? Iva okikixtijkeh para semijkak de kan tiotlamachtijkali.

Hechos 22:21

Pero in toTeko onechilvi: “¡Xivia! Ne nimitztitlanis wejka, kan kateh tlen amo judiojtih.”

Romanos 10:3

Porke amo kajsikamatih kenik in toYejwatzi veli techitta titlakamelajkeh. Yejvah innevia kitemovah kenik velis yeskeh tlakamelajkeh, iva amo kiseliah tlen toYejwatzi yokitlali para velis techittas titlakamelajkeh.

Romanos 14:10

Tonses, ¿tleka tikpojpova mokni? O noso, ¿tleka timomachilia ke te okachi tikuali ke mokni? Porke tinochtin timoketzativih inavak Cristo para kijtos kox kuali o noso amo kuali tlen otikchijkeh.

Romanos 14:3

Tlen kikua de nochi tlamantli tlakuali, amo ma momachili ke ye okachi kuali ke tlen amo kikuah de nochi. Iva tlen amo kikua de nochi amo ma kipojpova tlen kikua de nochi tlamantli tlakuali, porke toYejwatzi parejo yokinseli yejonmeh toknivah.

Romanos 7:9

Ijkuak ayamo onikmatia tlen kijtova in tlanavatili, ne onikyejyekovaya kuali oninemia. Pero ijkuak onikixma in tlanavatili, in tlajtlakoli notech omoyoliti iva ne onixpolivik.