San Juan 2:18 - El Nuevo Testamento

¹⁸ Ijkuakó in judiojtih okitlajtlanijkeh: —¿Tlán tetzavkaneskayotl velis techititis para tikittaskeh nik yompa tlen tikchiva?

San Juan 2:18 Iomraidhean Croise

San Mateo 21:23

Ijkuakó Jesús okalakito kan templo de Jerusalén iva ijkuak otlamachtijtoka, ovalmotokijkeh inavak sekimeh tlayakankeh tiopixkeh iva sekimeh tlayakankeh tetajmeh judiojtih iva okitlajtlanijkeh: —¿Ken timixevia tikchiva nin tlamantli? ¿Akin omitzmakak tlanavatijkayotl para ijkó xikchiva?

San Marcos 8:11

Ovalajkeh inavak Jesús sekimeh fariseos iva ope motlatlajtolnamikih Iva. Iva para kiyejyekoskeh okilvijkeh ma kichiva se tetzavkaneskayotl para kittaskeh kox yi neli Dios okivaltitlanki.

San Lucas 11:29

In gentejtih ope mololovah okachi inavak Jesús, iva Ye ope kinmilvia: —In gentejtih de nin tiempo sa tlawel amo kuali inyelis, kinekih ma nikinmititi se tetzavkaneskayotl para nechneltokaskeh. Pero san yen tlen itech omochi in tiotenejmachti Jonás, san yen yejón tetzavkaneskayotl nikinmakas.

San Juan 1:19

In tlayakankeh judiojtih de Jerusalén okintitlankeh sekimeh tiopixkeh iva sekimeh levitas para ma kitlajtlaniitih in Juan akin ye. Iva Juan okinmilvi tlen yi neli: —Mach ne niCristo.

San Juan 1:25

iva okitlajtlanijkeh: —Tla amo te tiCristo, nion amo te tiElías, nion amo te tiprofeta, tonses, ¿akin omitznavati xitlabautisaro?

San Juan 6:30

Yejvah okilvijkeh: —¿Tlán tetzavkaneskayotl velis techititis para ma tikittakah iva ma timitzneltokakah? ¿Tlán velis tikchivas?

Hechos 4:7

Pedro ivan Juan okinketzkeh tlatlajko iva okintlajtlanijkeh: —¿Akin omechanavati, o noso akin omechmakak velitilistli para xikpajtikah in vilantzi?

Hechos 5:28

—Tejvah kuali otimechnavatijkeh ayakmo xitlamachtikah de yejón tlakatl Jesús. Iva xikittakah tlan yonkichijkeh, yonkixitinijkeh inmotlamachtilis itech nochi in siudad de Jerusalén, iva asta intechtlajtlakoltiah nik tejvah otikmiktijkeh yejón tlakatl.