San Juan 19:6 - El Nuevo Testamento

⁶ Ijkuak okittakeh in tlayakankeh tiopixkeh ivan templojmayoltih, ope tzajtzih chikavak: —¡Xikrusifikaro, xikrusifikaro! Pilato okinmilvi: —Imejvah xikvikakah, iva imejvah xikrusifikarokah, porke ne nikitta amitla okichi.

San Juan 19:6 Iomraidhean Croise

San Mateo 26:58

Pedro inkuitlapa oyaya san de wejka asta kan kiavak de kan ikalijtik in wei tiopixki, ompa okalakki iva omotlali invan templojmayoltih para kittas tlán panolos.

San Mateo 27:22

Pilato oksemi okintlajtlani: —¿Iva tlán nikchivas ivan nin Jesús, tlen kinotzah Cristo? Nochtin otlanankilijkeh: —¡Xikrusifikaro!

San Mateo 27:24

Ijkuak Pilato okittak nik amitla velis kichivas para amo ma kixpolokah in Jesús, sino yej okachi omopajsolovayah, ijkuakó otlanavati ma kikuitih atl iva ompa omomajteki inmixpa nochtin, iva okijto: —Ne amo notlajtlakol tla imejvah inkixpoloskeh nin tlakatl tlen tlakamela. Ompa imejvah xikittakah.

San Lucas 23:4

Ijkuakó Pilato okinmilvi in tlayakankeh tiopixkeh ivan gentejtih tlen omololojkeh: —Ne amo nikajxilia itla tlamantli para velis nikijtos ke nin tlakatl tlajtlakole.

San Juan 18:3

Ijkuakó Judas ompa oajsito kinvika miekeh soldadojtih iva sekimeh templojmayoltih. Yejonmeh okintitlankeh in tlayakankeh tiopixkeh ivan fariseos. Ompa oajsitoh ika inkandil iva ika okotl motlavilijtivih, iva okinvikayah intejteposvah.

San Juan 18:31

Ijkuakó Pilato okinmilvi: —Xikvikakah iva imejvah xikittakah kox tlajtlakole o noso amo, ijkó kemi kijtova inmotlanavatil. In tlayakankeh judiojtih okilvijkeh: —Tejvah tijudiojtih amo techkaviliah íkka ma tikmiktikah.

San Juan 18:38

Pilato okitlajtlani: —¿Iva tlán kijtosneki yejón tlen melajkayotl? Ijkuak Pilato ijkó okitlajtlani in Jesús, oksé welta okiski omotlapovito invan judiojtih, iva okinmilvi: —Ne amo nikajxilia itla tlamantli para velis nikijtos ke nin tlakatl tlajtlakole.

San Juan 19:15

Pero yejvah otzajtzikeh chikavak: —¡Ma miki! ¡Ma miki! ¡Xikrusifikaro! Pilato okinmilvi: —¿Inkinekih ma nikrusifikaro nimowei tlanavati? Pero in tlayakankeh tiopixkeh otlanankilijkeh: —¡Tejvah mach tikpiah oksé wei tlanavati, san yen César!

San Juan 19:4

Pilato oksemi ovalkiski iva okinmilvi in judiojtih: —Xikittakah, yonikvalkixti nika kiavak, para xikmatikah ke amo nikajxilia itla tlamantli para velis nikijtos ke nin tlakatl tlajtlakole.

Hechos 2:23

Desde achto, toYejwatzi okimonekilti ke Jesús ma tlajyovi iva ma kitemaktikah inmomak. Tonses, imejvah onkikitzkijkeh in Jesús iva in gentejtih tlen amo kuali inyelis omechpalevijkeh para onkixpolojkeh itech se krus.

Hechos 7:52

Yejvah okintlajyoviltijkeh nochtin tiotenejmachtijkeh, iva okinmiktijkeh tlen okijtovayah nik se tonali vitz se tlen tlakamela, iva axka yejón tlakamela yovitza, iva imejvah onkitemaktijkeh iva onkixpolojkeh.