San Juan 18:8 - El Nuevo Testamento

⁸ Jesús oksemi okinmilvi: —Yonimechilvi nik yen Ne. Tla Ne innechtemovah, tonses xikinkavakah ninmeh ma viah.

San Juan 18:8 Iomraidhean Croise

San Mateo 26:56

Pero nochi nin kipia tlen ijkó yetos para ma mochiva tlen kijtova in Tiotlajkuiloli tlen okijkuilojkeh in tiotenejmachtijkeh. Ijkuakó nochtin momachtijkeh ocholojkeh iva okikajtejkeh iselti in Jesús.

San Juan 10:28

Ne nikinmaka nemilistli para semijkak. Amo kema mikiskeh, iva amika velis nechinkixtilis.

San Juan 13:1

Antes de ilvitl de Pascua, Jesús yokimatia nik yoajsik ora para yaski de itech nin tlaltikpaktli iva yas inavak iTajtzi. Ye nochipa okintlasojtlak tlen iaxkavah itech nin tlaltikpaktli, sa tlawel okintlasojtlak asta omotemakti ma kixpolokah por yejvah.

San Juan 13:36

Simón Pedro okitlajtlani in Jesús: —NoTeko, ¿kan timuikas? Jesús okinankili: —Kan Ne nias, axka mach velis tias nova. Pero satepa velis tias.

San Juan 16:32

Ya ajsitivitz ora, iva ayakmo wejkavas, ijkuak imejvah inxixiniskeh iva kada se kitzkis iojviv, iva innechkajtevaskeh noselti. Pero amo nika noselti, porke noTajtzi kajki nova.

San Juan 18:7

Ijkuakó Jesús oksemi okintlajtlani: —¿Akin inkitemovah? Iva yejvah okilvijkeh: —Tiktemovah Jesús de Nazaret.

San Juan 18:9

Ijkó okijto para ma mochiva tlen Jesús okijtojka: “Tlen tejwatzi otechinmakak, nion se amo omoixpolo.”

1 Corintios 10:13

Ijkuak itla imechyoltilana, amo xikyejyekokah ke in oksekimeh amo no ijkó kinpanova. Pero ximotenmachikah inavak toYejwatzi, porke Ye amo imechtekavilis ma imechyoltilana itla okachi chikavak tlen amo velis inkixikoskeh. Ijkuak itla imechyoltilanas, Ye imechititis kenik velis inkitlaniliskeh, iva ijkó velis inkixikoskeh.

2 Corintios 12:9

Pero Ye onechilvi: “Tikpia noiknomachilis, yen yejón nochi tlen moneki tikpias. Porke novelitilis moteititia okachi kuali ijkuak se amo chikavak.” Por eso, ika pakilistli nimoweinekis de ke amo nichikavak, para ijkó notech ma moteititi ivelitilis in Cristo.

Efesios 5:25

Imejvah intlakah, xikintlasojtlakah inmotonanavah, ijkó kemi Cristo kintlasojtla in tlaneltokakeh iva omotemakak ma kixpolokah por yejvah.

1 Pedro 5:7

Xiktlalikah nochi inmotekipacholis inavak toYejwatzi, porke Ye imechkuidarova.