San Juan 13:8 - El Nuevo Testamento

⁸ Pero Pedro okilvi: —Tejwatzi amo kema techikxipajpakas. Jesús okinankili: —Tla amo nimitzikxipajpakas, amitla tikpias nova.

San Juan 13:8 Iomraidhean Croise

San Mateo 16:22

Ijkuakó Pedro okivikak in Jesús se lado, iva ope kajva: —¡Amó, noTeko, amo Dios ma kimonekilti! ¡Amo ijkó ximochiva!

San Mateo 21:29

Ipiltzi okinankili: “¡Mach nias!” Pero satepa okipatlak itlayejyekol iva oyá otekipanoto.

San Mateo 26:33

Ijkuakó Pedro okinankili: —Maski nochtin ma mitzkavakah moselti, ne amo kema nimitzkavas.

San Mateo 26:35

Iva Pedro okinankili: —Maski mova ma nechmiktikah, ne amo kema nikijtos ke amo nimitzixmati. Iva nochtin oksekimeh momachtijkeh no ijkó okijtojkeh.

San Juan 13:6

Ijkuak Jesús yokikxipajpakaskia in Simón Pedro, okilvi: —NoTeko, ¿tejwatzi techikxipajpakas?

San Juan 13:9

Ijkuakó Simón Pedro okilvi: —NoTeko, tla ijkó, amo san nokxivah xikinpajpaka, sino noijki nomavah iva notzonteko.

San Juan 3:5

Jesús okinankili: —Yi neli nimitzilvia, akin amo nesis de atl iva de Tioijyotzintli, amo velis kalakis kan Dios tlanavatia.

Hechos 22:16

Iva axka, amo ximochia okachi. Ximoketza iva ximobautisaro. Xiktlatlavti in toTeko ma mitzchipava de motlajtlakol.”

1 Corintios 6:11

Sekimeh de imejvah ijkó nik onkatkah. Pero axka toYejwatzi yomechpajpaki, yonmochijkeh iaxkavah iva yimechitta intlakamelajkeh ika itoka in toTeko Jesucristo iva ika iTioijyotzi in toYejwatzi.

Efesios 5:26

Ijkó okichi para kinchipavas iva ma yekah iaxkavah. Okinchipa ika atl iva ika itlajtol.

Colosenses 2:18

Amika ma imechkixtili inmotlaxtlavil, nion nekateh tlen mochivah kemi oyeskia yi neli yolyamankeh iva kinmavistiliah ilvikaktlatitlaniltih, kijtovah kinmitah tetzavistlachialistih, iva moweinekih ika intlaltikpaktlayejyekol.

Colosenses 2:23

Yejonmeh tlanavatiltih mottah kemi oyeskia valajtokeh itech kuali tlamatilistli. Pero yejonmeh tlanavatiltih kisah san de tlakah intiotlamachtil, tlen kintoktia in gentejtih ma yekah kemi oyeskia yi neli yolyamankeh iva ma kitlajyoviltikah inkuerpo. Pero nochi yejón amitla veli kinpalevia in tlaltikpaktlakah para ayakmo ma kinyoltilana tlen kineki inkuerpo.

Tito 3:5

otechmakixti, amo por otikchijkeh itla tlen kuali, sino porke otechiknomatki. Otechpajpaki de totlajtlakol, iva okichi ma tinesikah de yankuik iva otechmakak yankuik nemilistli ika iTioijyotzi.

Hebreos 10:22

Por eso, ma timotokikah inavak toYejwatzi ipan melajka iva ika miek netenmachilistli. Porke Ye yotechyolchipa para ayakmo ma timomachilikah ok titlajtlakolejkeh, iva yokipajpaki tokuerpo ika chipavakatl.

APOCALIPSIS 1:5

iva noijki tlen de Jesucristo tlen nochipa techilvia tlen yi neli de toYejwatzi. Yen achto omoyoliti de itech mikilistli, iva tlen tlanavatia intech nochtin wejwei tlanavatijkeh de nin tlaltikpaktli. Jesucristo techtlasojtla iva ika iesso yotechchipa de totlajtlakol.

APOCALIPSIS 7:14

Iva ne onikilvi: —NoTeko, mach nikmati. Tejwatzi tikmati akinmeh iva de kan ovalajkeh. Iva Ye onechilvi: —Ninmeh yejvah tlen okiskeh de itech tlajyovilistli temavti. Okipakeh intzotzol iva okistalijkeh ika iesso in Ichkakonetl.