San Juan 12:13 - El Nuevo Testamento

¹³ ijkuakó okitekitoh seki soyatl iva oyajkeh okinamikitoh in Jesús. Iva okijtovayah chikavak: —¡Viva! ¡Ma Dios kitiochiva tlen vitz ika itoka toTajtzin Dios! ¡Ma Dios kitiochiva in wei tlanavati de Israel!

San Juan 12:13 Iomraidhean Croise

San Mateo 23:39

Iva nimitzilvia, ke ayakmo kema techitas asta ma ajsiki neká tonali ijkuak tikijtos: “¡Ma Dios kitiochiva tlen vitz ika itoka in toTeko!”

San Mateo 27:42

—Okinmakixti oksekimeh, pero Ye inevia amo veli momakixtia. Tla yi neli yen wei tlanavati de Israel, ma temo de itech krus, iva titlaneltokaskeh inavak.

San Juan 1:49

Natanael okilvi: —¡Tlamachti, tejwatzi tiiKone in Dios! ¡Tejwatzi tiwei tlanavati de Israel!

San Juan 12:14

Jesús okajsik se burrojtzi iva ipan omotlali. Kemi kijtova in Tiotlajkuiloli:

San Juan 12:15

Gente de Sión amo ximomavtikah. Xikittakah inmowei tlanavati yompa valmuika, yetivitz ipan se burrojtzi.

San Juan 19:15

Pero yejvah otzajtzikeh chikavak: —¡Ma miki! ¡Ma miki! ¡Xikrusifikaro! Pilato okinmilvi: —¿Inkinekih ma nikrusifikaro nimowei tlanavati? Pero in tlayakankeh tiopixkeh otlanankilijkeh: —¡Tejvah mach tikpiah oksé wei tlanavati, san yen César!

APOCALIPSIS 15:3

Iva okitlakuikayah se tlakuikali tlen okijkuilo Moisés tlen otekipanovaya para toYejwatzi, iva noijki okitlakuikayah in tlakuikali de yen Ichkakonetl. Ijkí nik otlakuikayah: Wei iva tetzavitl nochi tlen otikchi, toTeko, tejwatzi Dios tlen tikpia nochi velitilistli. Yi neli iva yompa nochi tlen tikchiva, tejwatzi tiwei tlanavati de nochtin países.

APOCALIPSIS 19:16

Itech itzotzol iva itech imetz oijkuilitoka nin tokayotl: “Wei Tlanavati de nochtin wejwei tlatlanavatijkeh iva Tekova de nochtin tetekovajkeh.”

APOCALIPSIS 7:9

Satepa de nin, onitlachixki iva onikinmitak sa tekitl miekeh gentejtih asta amo velis se kinpovas. Ompa okatkah gentejtih de nochtin países, de nochi tlatlamantli gentejtih, de nochtin tlen tlatlamantli nik tlapovah iva de nochtin altepemeh. Omoketokah iyakapan tekivajsiya iva iyakapan Ichkakonetl. Okipiayah intzotzol istak iva okipiayah seki soyatl itech inmah.