San Juan 10:30 - El Nuevo Testamento

³⁰ Ne ivan noTajtzi timochijtokeh san se.

San Juan 10:30 Iomraidhean Croise

San Mateo 11:27

’NoTajtzi onechmakak ma niknavati nochi tlen onka. Iva Ne niiKone amika nechixmati, sino san yen noTajtzi nechixmati. Iva amika kixmati noTajtzi, sino san yen Ne niiKone nikixmati. Iva noijki kixmatiskeh tlen akinmeh Ne nikneki ma kixmatikah noTajtzi.

San Mateo 28:19

Axka, xiviah iva xikinmachtikah nochtin tlaltikpaktlakah para noijki ma yekah momachtijkeh de Ne. Iva xikinbautisarokah ika itoka in Tata Dios, ika itoka iKone, iva ika itoka in Tioijyotzintli.

San Juan 10:29

NoTajtzi yen onechinmaktili, Ye okachi velitini ke nochtin, iva amika velis kinkixtilis.

San Juan 10:36

Iva tla Dios onechpejpenki iva onechvaltitlanki itech nin tlaltikpaktli, tonses, ¿kenomi imejvah inkijtovah ke nitlapova kontra Dios por onikijto nik Ne niiKone in Dios?

San Juan 14:23

Jesús okinankili: —Tlen nechtlasojtla kijtosneki kichiva tlen nikijtova. NoTajtzi kitlasojtlas, iva noTajtzi ivan Ne tivitzeh tichantikivih inavak.

San Juan 14:9

Jesús okilvi: —Yowejka nika inmovah, ¿iva ayamo techixmati Felipe? Tlen yonechitak, kijtosneki yokittak noTajtzi. Tonses, ¿kenik in te tikijtova ma nimechititi in noTajtzi?

San Juan 16:15

Nochi tlen kipia noTajtzi, Ne noaxka. Por eso onimechilvi ke in Tioijyotzintli kiselis de Ne nochi tlen Ye imechmatiltis.

San Juan 17:10

Nochi tlen noaxka, noijki moaxka, iva tlen moaxka, noijki noaxka. Iva nomavistilis motta intech yejvah.

San Juan 5:17

Pero Jesús okinmilvi: —NoTajtzi nochipa tekipanova kichiva tlen kuali, por eso Ne noijki ijkó nikchiva.

San Juan 5:23

para ijkó nochtin tlaltikpaktlakah ma kitlakitakah iKone ijkó kemi kitlakitah iTajtzi. Tlen amo kitlakita iKone in Dios, kijtosneki noijki amo kitlakita in iTajtzi tlen okivaltitlanki.

San Juan 8:58

Jesús okinnankili: —Yi neli nimechilvia, antes de oyeskia in Abraham, Ne ipa yonikatka.

1 Timoteo 3:16

Mach onka omeeyotl ke in tlamachtilistli tlen toYejwatzi otechnextili yi neli melajka: Cristo ovitza kemi se tlaltikpaktlakatl. In Tioijyotzintli okiteititi nik in Cristo oyá chipavak. In ilvikaktlatitlaniltih okittakeh. Otetlapovijkeh de Ye sentetl itech países. Otlaneltokakeh inavak itech nochi in tlaltikpaktli. Iva toYejwatzi okiseli itech ilvikak ika mavissotlanextli.

Tito 2:13

mientras tikchiah neká kualtzi tonali ijkuak vitz ika wei imavissotlanex in towei Dios tlen toTemakixti Jesucristo.

1 Juan 5:20

Noijki tikmatih ke iKone in Dios ovala, iva otechmakak totlalnamikilis para ma tikixmatikah tlen yi neli Dios. Iva axka tikateh ivan tlen yi neli Dios, kijtosneki tikateh ivan iKone Jesucristo. Yen tlen yi neli Dios iva tlen techmaka nemilistli para semijkak.

1 Juan 5:7

Iva kateh eyih itech ilvikak tlen techmatiltiah ke Jesucristo yi neli iKone in Dios: yen toTajtzin Dios, yen Tlajtoli iva yen Tioijyotzintli. Iva ninmeh eyih san se tlamantli tlen kijtovah.