APOCALIPSIS 7:16 - El Nuevo Testamento

¹⁶ Mach ok tiojsiviskeh iva mach ok amikiskeh, mach ok tonaltlatlaskeh iva nion mach ok tonalmikiskeh.

APOCALIPSIS 7:16 Iomraidhean Croise

San Mateo 13:21

Pero komo amo monelvayotiah wejkatla, nima nelvayovakih. Iva ijkuak inpa vitz tlajyovilistli o noso ijkuak kinchochololtiah por itlajtol in Dios, valmoxijxikovah iva kikavah in Dios.

San Mateo 13:6

Pero ijkuak okiski in tonali, okitlati, iva komo amo wejkatla omonelvayoti, ovaki.

San Mateo 5:6

’Ma pakikah tlen ika nochi inyolo kinekih kichivaskeh tlen kuali, iva Dios kinpalevis asta ma ixvikah.

San Marcos 4:17

Pero komo amo wejkatla monelvayotiah, nima nelvayovakih. Ijkuak peva tlajyoviah iva peva kinchochololtiah por itlajtol in Dios, valmoxijxikovah iva sa ompa mokavah.

San Marcos 4:6

Pero ijkuak okiski in tonali, okitlati, iva komo amo wejkatla omonelvayoti, ovaki.

San Lucas 1:53

Tlen otiojsiviah okinmakak nochi tlen kuali, iva tlen tominejkeh okintitlanki mapijpilkativih.

San Lucas 6:21

’Xipakikah imejvah tlen axka intiojsivih, porke imejvah inmixviskeh. ’Xipakikah imejvah tlen axka inchokah, porke satepa imejvah inwetzkaskeh.

San Juan 4:14

Pero tlen konis atl tlen Ne nikmakas, mach ok semi amikis. Porke in atl tlen Ne nikmakas yetos kemi se ameyali tlen meyatos itech iyolo iva kimakas nemilistli para semijkak.

Santiago 1:11

Ijkuak kisa in tonali iva tlatotonia chikavak, in xivitl vaki, ixochio tepevi iva ikualneska polivi. Ijkó noijki kipanos in tomine ika nochi tlen kipia.

APOCALIPSIS 21:4

Dios kinmixayovajvatzas, iva mach ok yetos mikilistli, nion chokalistli, nion neyolkokoli, iva nion kualolistli, porke nochi tlen achto okatka, yopanok.