APOCALIPSIS 21:3 - El Nuevo Testamento

³ Iva onikakki se tlajtoli chikavak de ilvikak. Okijto: —Xikitta. Nika chanti in Dios ivan igentejvah. Ye chantis invah iva yeskeh iaxkavah para semijkak. Dios inevia invah yetos iva Ye yetos inDios.

APOCALIPSIS 21:3 Iomraidhean Croise

San Juan 1:14

Iva neká Tlajtoli omokuapki tlakatl iva tovah okatka itech nin tlaltikpaktli. Iva otikittakeh imavistilis, iva yejón mavistilistli kipia san yen iKone toTajtzin Dios, porke otechititi nochi itlasojtlalis iva nochi tlen yi neli melajka.

San Juan 14:23

Jesús okinankili: —Tlen nechtlasojtla kijtosneki kichiva tlen nikijtova. NoTajtzi kitlasojtlas, iva noTajtzi ivan Ne tivitzeh tichantikivih inavak.

2 Corintios 6:16

¿Tlán kipia tlen kittas itemplo in toYejwatzi ivan diosmeh tlen tlamachivaltih? Pos itemplo in toYejwatzi tlen yolitok yen tejvah. Ijkó kemi toYejwatzi inevia okijto: Nichantis iva ninemis invah. Ne nietos niinDios, iva yejvah yeskeh nogentejvah.

2 Corintios 6:18

Ne nietos nimoTajtzi, iva imejvah inyeskeh innotelpochvah iva innochpochvah. Ijkó kijtova in toTeko tlen kipia nochi velitilistli.

1 Tesalonicenses 3:11

Tiknekih inevia toTajtzin Dios ivan toTeko Jesucristo, ma techpalevikah para velis timechitativih.

Hebreos 11:16

Pero yejvah okinekiah se tlali tlen okachi kuali, kijtosneki yen ilvikak. Por eso toYejwatzi Dios amo pinava de ma kinotzakah Dios de yejvah iva yokinyektlalili se siudad.

Hebreos 8:10

Yen nin yankuik moyekkavalistli tlen satepa nikchivas ivan gentejtih de Israel, kijtova toTeko: Nikintlalis notlanavatilvah itech intlayejyekol, iva nikinmijkuilos itech inyolo. Ne nietos niinDios, iva yejvah yeskeh nogentejvah.

Hebreos 8:2

In towei tiopixki tekipanova itech tlen yi neli templo tlen kajki ilvikak, tlen amo okichijkeh in tlaltikpaktlakah sino yen toYejwatzi okichi.

APOCALIPSIS 10:4

Iva ijkuak otlanankilijkeh yejonmeh chikome tlatikuinilistih, ne ya yonikijkuiloskia, pero ijkuakó onikakki se tlajtoli de ilvikak onechilvi: —Amo xikijkuilo tlen okijtojkeh in chikome tlatikuinilistih, sino san te xikmato tlen okijtojkeh.

APOCALIPSIS 10:8

In tlajtoli tlen achto onikakki de ilvikak, oksemi onechilvi: —Xivia, iva xikitzki in librojtzi tlen tlapotok itech ima in ilvikaktlatitlanili tlen tlaksatok ipan atl tlen wei iva ipan tlaltikpaktli.

APOCALIPSIS 12:10

Ijkuakó onikakki se tlajtoli chikavak ompa ilvikak, okijto: —Axka yoejkok in temakixtilistli, ivan velitilistli, ivan tlanavatilistli de toDios ivan tekivajkayotl de Cristo tlen Dios okivaltitlanki para techmakixtis, porke yokontlamotlakeh itech tlaltikpaktli tlen ika tonali ika yovali okinmistlakaviaya toknivah iyakapan Dios.

APOCALIPSIS 21:7

Tlen tlatlanis itech nochi tlen kipanos, nikmakas nochi nin tlamantli kemi erensia. Iva Ne nietos niiDios iva ye yetos nokone.

APOCALIPSIS 22:3

Itech yejón siudad mach ok yetos itla tlen amo kuali tlen toYejwatzi amo kipaktia. Itekivajsiya in toYejwatzi ivan Ichkakonetl yetoskeh itech yejón siudad. Iva itekipanojkavah in toYejwatzi kimavistiliskeh.

APOCALIPSIS 7:15

Por eso kateh iyakapan itekivajsiya in Dios, tekipanovah inavak kan itemplo ika tonali ika yovali. Iva tlen yetok itech itekivajsiya kinkuidaros porke chantis invah.