APOCALIPSIS 15:4 - El Nuevo Testamento

⁴ ¿Akin amo mitzimakasis, toTeko? ¿Akin amo kiweijkachivas motoka? San yen tejwatzi tiyolchipavak. Nochtin tlaltikpaktlakah de nochtin países vitzeh iva mitzmavistiliskeh, porke kitlatokeh nik yompa tlen tikchiva.

APOCALIPSIS 15:4 Iomraidhean Croise

Romanos 15:9

Noijki ovala para ke tlen amo judiojtih ma kiweijkachivakah in toYejwatzi por iteiknomatilis. Kemi kijtova in Tiotlajkuiloli: Por eso, Ne nimitzweijkachivas innavak tlen amo judiojtih, iva nikintlakuikas tiotlakuikaltih ika motokatzi.

1 Pedro 1:16

Porke in Tiotlajkuiloli kijtova: “Xiekah inyolchipavakeh, porke Ne niyolchipavak.”

APOCALIPSIS 11:15

Tlen ipan chikome ilvikaktlatitlanili otlapitzki, iva omokakeh miekeh tlajtoltih chikavak itech ilvikak, okijtojkeh: Axka toDios ivan Cristo tlen Dios okivaltitlanki para techmakixtis, yi tlanavatiskeh itech nochi in tlaltikpaktli, Iva tlanavatiskeh para semijkak.

APOCALIPSIS 14:7

Iva okijtovaya chikavak: —Xikimakasikah in Dios iva xikweijkachivakah, porke yoajsik ora para kijtos akin tlajtlakole iva akin amo. Xikmavistilikah tlen okichi in ilvikak ivan tlaltikpaktli, in atl tlen wei ivan ameyaltih.

APOCALIPSIS 16:5

Satepa onikakki in ilvikaktlatitlanili tlen okipiaya tekivajkayotl itech atl. Okijto: —ToTeko, tejwatzi yompa tlen tikchiva, tejwatzi tiyolchipavak, tlen axka tonka iva tlen achto yotikatka.

APOCALIPSIS 16:7

Noijki onikakki oksé tlajtoli tlen okiski de itech artal. Okijto: —Yi neli, toTeko, Dios tlen tikpia nochi velitilistli, tejwatzi tikintlajyoviltia in gentejtih melajka kuali iva yompa.

APOCALIPSIS 19:2

Ye kinyekankava in gentejtih kuali iva yompa. Yokitlajyovilti in sivatl tlen wei momekati, tlen ika imomekatilis okinmijtlako in tlaltikpaktlakah. Iva Dios yokitlaxtlavalti por okinmikti tlen itekipanojkavah.

APOCALIPSIS 19:8

Iva okimakakeh ma motzotzolti ika itzotzol de lino tlen kuali, chipavak iva petlantok. Lino tlen kuali kijtosneki yen tlen okichijkeh kuali tlen toYejwatzi iaxkavah.

APOCALIPSIS 3:7

’Xiktlajkuilili noijki in tlayakanki de yen olololistli de tlaneltokakeh de Filadelfia iva ijkí xikilvi: “Ijkí kijtova tlen Yolchipavak iva tlen Yolmelajka, tlen kipia in yave de David. Ijkuak Ye tlatlapova, amika veli tlatzakua. Iva ijkuak Ye tlatzakua, amika veli tlatlapova:

APOCALIPSIS 4:8

Nochtin yejonmeh navih ikajmeh tlen yolitokeh okinpiayah chikuase inmajasvah kada se, iva itech inmajasvah okinpiayah miekeh ixtololomeh ik panixko iva ik tlatlaijtik. Ika tonali ika yovali amo omoseviayah de okijtovayah: Santo, Santo, Santo, toTeko, Dios tlen kipia nochi velitilistli, tlen achto yokatka, tlen axka onka iva tlen satepa vitz.

APOCALIPSIS 6:10

Iva okijtovayah chikavak: —ToTeko, tejwatzi tiyolchipavak iva tiyolmelajka, ¿asta keman tikintlajyoviltis iva tikintlaxtlavaltis in tlaltikpaktlakah tlen otechmiktijkeh?