Mattiu 4:3 - Nongan Hiyan

³ Pe ndramat para nohonou yiy ara isa kili yiy, pe ipa, “Kapa wou Noru Ngindrai ndrokonan, apwandrandrahani hu pat aro, pe kapaiwani hu para karayah ndrinanohun.”

Mattiu 4:3 Iomraidhean Croise

Mattiu 14:33

Pwen hu ndramat huro nondriya ndroi, ara huhuri ngalan, pe hupa, “Ndrokonan masih, wou ara Noru Ngindrai.”

Mattiu 16:16

Pwen Simon Pita, ara ipa, “Wou, ara Kristus—ndramat mepo Ngindrai kintakiniman para kisopwat hu ndramat—wou ara Noru Ngindrai mepo yiy mwalen.”

Mattiu 26:63

Hapeko Yesu ihun o iro. Pwen pris ihohin ta hu pris masih kene, ara ipwai iya kili yiy, ipa, “Yo upwatisingiy isa kili wou, para arandrangan kiya ngala Ngindrai mwalen—kiya, apwai ndrokonan kisa kili yowu, wou ara Kristus, Noru Ngindrai, ndre pwi?”

Mattiu 3:17

Pe ngasa mbulukoyu hamou iyau kol paingan yang isa, ipa, “Aro, ara Noru mepo ndriyo imbuluhi yiy. Yo upwesani yiy namandran iya.”

Mak 1:1

Aro ara ndroiyi nongan hiyan ta Yesu Kristus, noru Ngindrai.

Mak 3:11

Pe hu ndramat mepo hu payit iro ndritahu, ara hunime Yesu, pe hulah huya pwan huro mbulmaran, pe huwayeh namandran iya, hupa “Wou ara Noru Ngindrai.”

Mak 5:7

Pe iwayeh namandran iya, ipa, “Yesu, Noru Ngindrai Iyera Paingan Iya, wou nasa sahaye yo? Upwai tisingiy isa kili wou iya ngala Ngindrai, mbuna aiki ngandran sato.”

Luk 1:35

Pe angelou isomwi yiy, ipa, “Pwoke ta Ngindrai Iyera Paingan Masih ara andre kiramburihi wou, pe Mwoiwan Haiyan andre kisa ndritam. Pwen pe yiy haiyan mepo namwalahiy kiyatan ara, ara andre kapohowe yiy Noru Ngindrai.

Luk 22:70

Pe yihu masih husike yiy, hupa, “Pwen pe wou ara Noru Ngindrai, ndre?” Pe isomwi hu, ipa, “Wawu pwai imwonen, tehe ara yo.”

Luk 4:3

Pwen pe Sinai ipwai iya kili yiy, ipa, “Kapa wou Noru Ngindrai ndrokonan, apwandrandrahani pat ita, pe kipaiwaniy kirayah ndrinanohun.”

Luk 4:41

Pe hu payit husa mawen kili hu ndramat soyon iya, pe hu payit huro wayeh, huro pa, “Wou ara Noru Ngindrai!” Hapeko ipomate hu, pe isiyi pohohu para hu mbuna kawong, paratesah, tanahu tehe yiy ara Kristus.

Luk 4:9

Pe Sinai iluwani Yesu iya Yerusalem pe iyki yiy iya iro tine payandroha yumwa totohun namandran pe paingan masih. Pwen ipwai iya kili yiy, ipa, “Kapa wou noru Ngindrai ndrokonan, pwen aro iye pe apiyani wou aya pwan.

Aposel 9:20

Hape pwi ko, yiy iya nondriya hu yumwa totohun, pe iro pohowei tehe Yesu ara Noru Ngindrai.