Mattiu 22:31 - Nongan Hiyan

³¹ Hapeko iya lohongai para hu ndramat kanmat pe kasa tine paiwe—wawu kannime tesah mepo Ngindrai kinpwai kinsa kili wawu pwi, ndre?

Mattiu 22:31 Iomraidhean Croise

Mattiu 12:3

Pe Yesu isomwi hu, ipa, “Wawu kannime titiye ta Tepit iyapolo ndramiran hu mepo humundrui ara, ndre pwi?

Mattiu 12:7

Kapa wawu kanpahasani ndroiyi nongan iye, ‘Unamili koisirai; ara ihohin iya kultuw para yukyuk,’ pwen wawu ara kanlahiy para karasusut nongan kiya kili hu ndramat mepo kanmbusi hapesah mwomwan pwi.

Mattiu 21:16

Pe husok Yesu, hupa, “Wou ahalingi sehe melit hu mbunah iye hutora pwai, ndre pwi?” Pe Yesu isomwi hu, ipa, “Wawu kannime nongan iye pwi, ndre? ‘Iyau poho hu mbunah mendreheh pe hu mbunah malaman, ara Ngindrai kintakinimahu para hu kahari ngalan.’”

Mattiu 21:42

Pe Yesu ipwai iya kili hu, ipa, “Wawu kannime nongan iye mepo ita Nongna Ngindrai pwi, ndre? ‘Pat mepo yihu ndramat para puliya seu hulowaniy, ara kintayah pat para sotuna seu. Yapan kinmbusi melit aro kintayah, pe ara mwayih iya, iya mara tou.’

Mattiu 22:30

Kiro mwonen hu ndramat hu kasa tine paiwe, ara yihu andre kanyesou pwi, pe andre hu kansokombut yesou pwi yi. Yihu andre hu koro ko tehe hu angelou tora kol paingan yang.

Mattiu 22:32

Ipwai, ipa, ‘Yo urupo Ngindrai ta Apraham, pe urupo Ngindrai ta Yisak, pe urupo Ngindrai ta Yakop.’ Akanimei! Yiy ara Ngindrai tahu ndramat mepo hu kanmat, ara pwi. Hapeko yiy ara Ngindrai tahu ndramat hutopo mwalen, tehe Apraham, Yisak pe Yakop.”

Mattiu 9:13

Pwen akaya pe akakahi ndroiyi nongan iye: ‘Unamili koisirai; ara ihohin iya kultuw para yukyuk.’ Paratesah, yo kunsa para kuyoh hu ndramat kultuwayi hu imwonen pwi, hapeko usa, ara para kuyoh hu ndramat mepo pakut tahu mwomwan.”