Mattiu 19:16 - Nongan Hiyan

¹⁶ Pwen ndramat hamou isa kili Yesu pe isok yiy, ipa, “Ndramat para hinonou, yo andre kumbusi sehe kultuw hiyan, pwen pe andre kuwiri taleh mepo andre kinto-kinto?”

Mattiu 19:16 Iomraidhean Croise

Mattiu 19:15

Pe iyki niman iya ndritahu, pe itoholi hu ihipwen, pwen itali hape ara, pe iyau.

Mattiu 19:26

Pe Yesu maran itis tahu, pe ipa, “Hu ndramat, ara kanwenei pwi, hapeko Ngindrai, ara iwenei para kimbusi melit masih kene.”

Mattiu 19:29

Pe tunan yo ko, sehe ndramat mepo kitali suwen, ndre nalin, ndre pisun, ndre taman, ndre tinan, ndre norun, ndre pingen, ara andre kiposura melit tan maporosangat, pe andre kiwiri taleh kinto-kinto.

Mattiu 25:46

Pwen hu ndramat aro, ara andre hu kaya mawen pe kawiri kora nopwaran mepo andre kinto-kinto. Hapeko yihu ndramat imwonen, ara andre hu kawiri taleh mepo andre kinto-kinto.”

Aposel 16:30

Pwen iwiri hilu iya ngawan pe isok hilu, ipa, “Walu namandran ato, andre kumbusi sehe melit para Ngindrai kisopwat yo?”

Titus 1:2

Yo nakusopwat hu para hu kapwotisingi lohongahu, pe hu kawiri lohongai ndrokonan kiya sehe melit itapo isa, pe kalonge Ngindrai kiyki taleh andre kinto-kinto kiya kili hu. Ndrukoluw kinna, tandrohonga Ngindrai kinmangsani melit handra-handra kintayah mapu, ara yiy kintandrangan para kiyki taleh ara, kisa kili worou. Pe yiy kinho pwasoyou pwi.

Titus 3:7

Pahas tan imbusi worou tukantayah imwonen iya mbulmara Ngindrai, pwen pe worou topo longe para kawiri taleh andre kinto-kinto, mepo Ngindrai kintandrangan kinsa kiltou kinna aliy.