Mattiu 16:20 - Nongan Hiyan

²⁰ Pe Yesu ipwandrandrahaniy iya kili ndramiran hu, para hu mbuna kaya tiyaniy kiya kili hamou tehe yiy ara Kristus.

Mattiu 16:20 Iomraidhean Croise

Mattiu 1:16

pe Yakop, ara tama Yosep. Pe Yosep, ara nambuyu Mariya mepo imwalahiy ta Yesu, mepo hupohowe yiy Kristus.

Mattiu 16:16

Pwen Simon Pita, ara ipa, “Wou, ara Kristus—ndramat mepo Ngindrai kintakiniman para kisopwat hu ndramat—wou ara Noru Ngindrai mepo yiy mwalen.”

Mattiu 17:9

Pe hurolai ngondron huropo husa pwan, pe Yesu ipwatisingiy iya kili hu, ipa, “Wawu mbuna akatiyani sehe melit mepo wawu kannimei kiya kili hamou, kipoo Noru Ndramat kitine kimat.”

Mattiu 8:4

Pwen Yesu ipwai iya kili yiy, ipa, “Mbuna aya nese ndrainga hamou, hapeko aya yingani wou aya kili pris, para kitimwi yukyuk mepo Mose kinpwandrandrahaniy para arayah howen kiya mbulmara Ngindrai. Pe andre kirayah tehe tiyeyam kiya kili hu pris.”

Mak 8:30

Pwen Yesu ipwandrandrahani hu para hu mbuna katiyaniy kiya kili hamou tehe yiy hiyeh.

Mak 9:9

Pwen hutali ngondron pe huro tuh nakamui kasa pwan, pe Yesu ipwatisingiy iya kili hu tehe hu mbuna kanese ndrainga hamou kiya sehe melit hu kannimei, kipoo Noru Ndramat kimat pe kitine paiwe.

Luk 2:11

Lang nepo ita nondriya kol ngawan ta Tepit, pihin hamou kinmwalahiy kinna ta Ndramat Hamou Para Sopwat; yiy ara Yapan Kristus.

Luk 9:21

Pe Yesu ipwandrandrahaniy pwokeyan iya kili hu para hu mbuna katiyaniy kiya kili hamou tehe yiy ara hiyeh.

Luk 9:36

Pe ngasa mbulukoyun ara ihipwen, pwen husa yirowei tehe Yesu hamou opu iro. Pe ndramiran hu, ara hukaituwe sehe melit hu kannimei, pe hu kantiyaniy pwi.

Aposel 2:36

Tehen tora ko, wawu payumwa wum masih kene para Yisrayel, akapahasaniy hiyan tehe Yesu mepo wawu rayi yiy imat iho kei tondrih, ara Ngindrai kintakiniman pe kintayah Yapan pe Kristus kene.”