Mattiu 12:46 - Nongan Hiyan

⁴⁶ Pwen pe Yesu iro wong ndron iya kili hu ndramat soyon ara, pwen tinan pe nalin hu, ara husa pe huro tine ngawan para hu nakawong kiya kili yiy.

Mattiu 12:46 Iomraidhean Croise

Mattiu 1:18

Iye ara titiye ta Mariya imwalahiy ta Yesu Kristus. Pe irayah toro: tina Yesu, Mariya, ara hu kansokomburani yiy pwen para kiwiri Yosep. Hapeko hilu kanna wule mapu, pe hu ndramat husa yirowei tehe Mariya mapundriyan pwen imin. Pe Mariya mapundriyan, ara iyau pwoke ta Mwoiwan Haiyan.

Mattiu 12:47

Pwen hamou inese ndrainga Yesu, ipa, “Tinam pe nalim hu, ara hutora tine ngawan pe hu nakawong kisa kili wou.”

Mattiu 13:55

Yiy noru ndramat para puliya seu, ndre? Pe ngala tinan, ara Mariya, pe nalin hu, ara Yamis, Yosep, Simon, pe Yutas, ndre?

Mattiu 2:11

Pwen husarayah husa seu, pe hunime mbunah iyapolo tinan Mariya, pe hutukuruhu iya pwan, pe hutohun iya kili yiy. Pe hurehe hu ndropwahu pe huiki hu yukyuk tehe kolt, pe paura para kambusi kosumwan ngonohon layin kaliy, pe ndraikei mangonohon layin.

Mattiu 2:20

Pe ipwai, ipa, “Atine, awiri mbunah kiyapolo tinan, pe akamui akaya pwene hu Yisrayel. Paratesah, hu mepo hu pakatingundru mbunah ara, ara hu kanmat.”

Mak 2:21

Ndramat hamou kinho sorowe koyau hasai howen, pe kirapairaniy kiyasura koyau saken, ara pwi. Kapa tehen tora, koyau hasai howen ara, andre kindrohomwiri koyau saken, pe kiya mwomwan masih.

Mak 6:3

Yiy ara ndramat para puliya seu, ndre? Pe yiy ara noru Mariya, pe nalin hu, ara Yamis, Yosep, Yutas, pe Simon, ndre? Pe pisun hu, hutopo sura tou iye yi, ndre?” Pwen welehu imai tan.

Luk 1:43

Yo po hiyeh, pwen pe tina Yapan to isarayah isa kili yo?

Luk 2:33

Pwen pe tama mbunah pe tinan, ara hilhilingiy pe hilu lohonge soyon iya, iya sehe melit Simeyon kinpwai pwen iyata mbunah ara.

Luk 2:34

Pwen Simeyon iyki lomwes iya kili hu, pe ipwai iya kili tina mbunah, Mariya, ipa, “Ahalingiy; mbunah iye, ara Ngindrai kintakiniman pwen para kimbusi hu soyon iya koro nondriya Yisrayel hu kayos, pe hu soyon iya hu katine. Yiy andre kirayah tehe kaipisa melit handra mepo andre hu karasisingat anan.

Luk 2:48

Iro mwonen taman hilu tinan hilu nime yiy, ara lohonga hilu indrap. Pe tinan ipwai iya kili yiy, ipa, “Noru, paratesah pe arakultuwani youlu tamam tehen tora? Ambusiy pe youlu ngandrah para teleyam.”

Luk 2:51

Pwen pe Yesu iyau iyapolo hilu pe huya pwan kol Nasaret, pe iho ndruwa nongna hilu masih. Hapeko tinan, ara iyki nongan masih ara iro manau lohongan.

Luk 8:10

Pe Yesu ipwai iya kili hu, ipa, “Lohongai kokohon para kolo King Ngindrai, ara kisa leu kisa kili wawu. Hapeko kiya kili hu hayah, ara kutiyaniy kiya nongan pwandritiye opu; pwen ‘ngara hu koro nimei, hapeko tehe hu kanyirowei pwi; pe ngara hu koro hilingiy, hapeko tehe lohongahu kanileu pwi.’

Aposel 1:14

Pe hu masih ara ngara hu kawaiyani totohun iya lohongai handra ko, iyasura hu pihin, pe Mariya tina Yesu iyapolo nali Yesu hu.