Mak 8:12 - Nongan Hiyan

¹² Yesu ihiri kunuwen pwokeyan iya, pe ipa, “Tehen tapeh pe hu ndramat hasap para mahapo husok para hu pakanime kaipisa pwoke? Upwai ndrokonan isa kili wawu, andre yihu kannime kaipisa hapesah pwi.”

Mak 8:12 Iomraidhean Croise

Mattiu 12:38

Pwen hu Parisiy hayah pe hu ndramat para hinuwani nongan para pwahanou, ara hupwai iya kili yiy, hupa, “Ndramat para Hinonou, yowu nakanime kaipisa ndraikiya pwoke handra kiyau kili wou.”

Mattiu 16:4

Hu hasap mepo kultuwayihu pwassin, pe hu kantali Ngindrai, ara yihu ngara kasok kaipisa pwoke. Hapeko yihu andre kannime hapesah pwi, kaipisa poropet Yonah kopu andre hu kanimei.” Pwen Yesu itali hu pe iyau.

Mak 3:5

Yesu maran ihiselep iya kili hu, pe ndrinan ilokuh. Inimei tehe ndriyahu kanpwoke, pwen pe ndriyan irang. Pwen ipwai iya kili ndramat aro, ipa, “Amwaniyani nimam.” Pwen ndramat ara, ara imwaniyani niman, pe niman irayah hiyan masih tehe mamu.

Mak 6:6

Pe ilohonge soyon tehe hu ndramat kanpwotisingi lohongahu pwi. Pwen Yesu irakayani hu kol mendreheh hakol iya hakol pe iro hinuwani nongan.

Mak 7:34

Pwen pe mara Yesu itandras iya kol paingan yang, pe ihiri ngohan tehe pakirang. Pwen ipwai iya kili ndramat ara, ipa, “Eppata!” Nongan aro iya nongna kol tahu, ara ipa, “Kite!”

Mak 8:13

Pwen Yesu itali hu pe ihis iya nondriya ndroi paiwe, pe humui huya haroh para ndran makaiye.

Mak 9:19

Pwen Yesu iwong imui iya kili hu, ipa, “O wawu hasap para mahapo, ara wawu kanpwotisingi lohonga wawu pwi, pe lohonga wawu imwakaikai. Mwalaiheh pe andre kuro sura wawu ko yeh? Pe maporosahayeh andre kuro kuni nopwaran tawawu ko yeh? Wawu kawiri mbunah kamai ara, kisa kili yo.”

Luk 19:41

Pwen Yesu iropo iya pakeh Yerusalem, pe inime kol namandran iya ara, pe irangsiy.