Mak 7:37 - Nongan Hiyan

³⁷ Pwen hu ndramat masih huhulingi nongan ara, pe mwoiwahu ihin turuwehu. Pe hupa, “Hu melit masih kinmbusiy ara hiyan o. Hu ndramat ndraingahu iyui, ara hurahihilong. Pe hu ndramat pohohu pwi, ara hu kanwong topwei yi.”

Mak 7:37 Iomraidhean Croise

Genesis 1:31

Pe Ngindrai inime melit masih kene kinmangsaniy ara irayah hiyan iya. Piyahon iyamasan ndroulang ara irayah lang anoh.

Mattiu 9:32

Pe iro mwonen hilu ndramat malmou ara, hilropo hilya, ndramat hamou mepo payit iro ndritan pe pohon imum, ara huwiri yiy isa kili Yesu.

Mak 1:27

Pwen hu ndramat masih huro lohonge ndrit, pe hamou iro pwai iya kili hamou, huro pa, “Aripo tesah? Hinonou handra howen ara—iyapolo pwoke nopwaran! Ndramat ara ipwandrandrahani hu payit i, pe huhulingi nongnan.”

Mak 2:12

Pwen itine, iwiri nokun, pe iyau iya mawen mbulmarahu masih. Pwen hu ndramat masih mwoiwahu ihin, pe huhuri ngala Ngindrai, hupa, “Yowu ara konoho nime memelit tehen toro pwi.”

Mak 4:41

Pwen hunoh mimiri hu, pe hamou iro sok hamou, ipa, “Aripo sehe ndramat? Nohai pe nowei kene, ara hilu hilingi nongnan i!”

Mak 5:42

Pwen indrou pwi ko, pihindrahin, ara itine pe irikai. Pihindrahin aro, ara hayou tan songui pe luwoh. Pe hunimei, mwoiwahu ihin, pe hunun.

Mak 6:51

Pwen Yesu ihis iya nondriya ndroi kili hu pe nohai imaito. Ndramiran hu ara huro lohonge ndrit masih,

Mak 7:36

Pwen Yesu ipwandrandrahani hu para hu mbuna katiyaniy kiya ta hamou. Yesu iro pa toro, hapeko huro pwoke para hu kaya pe kapwaharai manau.

Mak 8:1

Pwen iho nondriya hu lang ara, hu ndramat soyon iya yi, husa rawure hu paiwe, pe anandrinahu pwi. Pe Yesu iyoh ndramiran hu husa, pe ipwai iya kili hu, ipa,

Luk 23:41

Pe talu ropo kuni nopwaran, ara ilahiy kora sehe melit talu kanmbusiy. Hapeko ndramat aro, ara kinmbusi handra kultuw mwomwan pwi.”

Aposel 14:11

Pwen hu ndramat soyo-soyon ara, hunime sehe melit Pol imbusiy pe husomwe iya nongna kolo hu Likawoniya, hupa, “Hu ngindrai ara hurayah tehe ndramat pe husa pwan kiltou.”