Mak 14:61 - Nongan Hiyan

⁶¹ Hapeko Yesu ihun o iro, pe kinsomwi hu kinna nongan sahin pwi. Pwen pris ihohin ta hu pris masih kene isok yiy paiwe, ipa, “Wou ara Kristus, Noru Ngindrai Haiyan, ndre pwi?”

Mak 14:61 Iomraidhean Croise

Mattiu 16:16

Pwen Simon Pita, ara ipa, “Wou, ara Kristus—ndramat mepo Ngindrai kintakiniman para kisopwat hu ndramat—wou ara Noru Ngindrai mepo yiy mwalen.”

Mattiu 3:17

Pe ngasa mbulukoyu hamou iyau kol paingan yang isa, ipa, “Aro, ara Noru mepo ndriyo imbuluhi yiy. Yo upwesani yiy namandran iya.”

Mattiu 8:29

Pwen hilpalngai, hilpa, “Noru Ngindrai, wou apapo tesah kisa kili yowu yeh? Paratapeh pe asa iye? Asa para naiki ngandran kisa kili yowu, ma lang kintayah mapu, ndre?”

Mak 14:60

Pwen pris ihohin ara itine iro mbulmarahu pe isok Yesu, ipa, “Wou andre asomwiy, ndre pwi? Aripo sehe titiye mepo hu ndramat aro topo ratuni wou iya aliy?”

Mak 15:2

Pe Pailat isok Yesu, ipa, “Wou king tahu Yutah, ndre?” Pe Yesu isomwiy, ipa, “Tehe anpwai ara.”

Aposel 8:32

Ndramat ara iro pohowe nongan sahin ta Ngindrai, ipa toro: “Huluwani yiy tehe sipsip hamou iya para hu katingundrun. Pe mwensen tehe noru sipsip mepo huro sani yomun, ngara kimun o kiro, pwen yiy ara tehen aliy yi, kinpa hapesah pwi.