Mak 10:23 - Nongan Hiyan

²³ Pwen Yesu maran ihiselep iya kili ndramiran hu pe ipwai, ipa, “Hu ndramat mepo menmenahu soyon, ara ingandrah pwokeyan iya para hu kaya nondriya kolo King Ngindrai.”

Mak 10:23 Iomraidhean Croise

Mattiu 18:3

Pe Yesu ipwai, ipa, “Yo upwai ndrokonan isa kili wawu, kapa akantapihiye wawu pe akantayah tehe hu mbunah mendreheh pwi, pwen andre akanlahiy para akasong kaya kolo king para kol paingan yang, ara pwi.

Mak 10:15

Yo upwai ndrokonan isa kili wawu, kapa ndramat hamou kinwiri kultuwayi kolo King Ngindrai tehe mbunah hamou tehen iye pwi, ara kinlahiy para kiya nondriyan pwi.”

Mak 10:22

Ndramat aro ihilingi nongan ariyo pe mbulmaran ilomwa, pe iyau iyapolo ndriya pworu, paratesah, menmenan ara hitun iya.

Mak 3:5

Yesu maran ihiselep iya kili hu, pe ndrinan ilokuh. Inimei tehe ndriyahu kanpwoke, pwen pe ndriyan irang. Pwen ipwai iya kili ndramat aro, ipa, “Amwaniyani nimam.” Pwen ndramat ara, ara imwaniyani niman, pe niman irayah hiyan masih tehe mamu.

Mak 5:32

Hapeko Yesu maran iro hiselep pe iro ten hiyeh ndrokonan imbusiy.

Luk 18:24

Yesu maran iya kili yiy, pe ipa, “Yihu ndramat mepo menmenahu soyon, ara ingandrah iyatahu para hu kaya nondriya kolo King Ngindrai!