Mak 1:21 - Nongan Hiyan

²¹ Pe huya kol hakol ngawan ngalan Kapernawum. Iro mwonen lang Sapat isarayah, Yesu iya nondriya yumwa totohun iro ara, pe iro hinuwani hu ndramat.

Mak 1:21 Iomraidhean Croise

Mattiu 4:13

Pwen itali Nasaret, pe iya pe ikuw iro kol ngawan Kapernawum, ita ngilse Ndran Makaiye Kaliliy. Kapernawum, ara ita pwene hu Sepulun pe Naptali.

Mattiu 4:23

Yesu iya yau nondriya kol namandran hape Kaliliy, pe iro hinuwani hu ndramat iro hu yumwa totohun tahu, pe iro pohowe nongan hiyan para kolo king Ngindrai. Pe isopwoyani hu ndramat masih humwa iya hu mwamwa handra-handra, pe hu masih hiyeh humbuyei.

Mak 1:20

Indrou pwi ko, iyoh hilu pe hilu tali tama hilu, Sepetiy. Tama hilu, iyapolo ndramiran hu para poya mbulyan, ara huro ndron nondriya ndroi, pe hilu ho ndruwa Yesu.

Mak 1:29

Iro mwonen hutali yumwa totohun husa ngawan, hurukai huya sura Yamis hilu Yohanes huya seu ta Simon hilu Andruw.

Mak 1:33

Hu ndramat masih para kol aro, husa wule huro pohomara karam.

Mak 1:39

Pwen iya kol namandran hape Kaliliy masih, pe iro pohowe nongan iya nondriya hu yumwa totohun tahu, pe iro rasses hu payit huyau.

Mak 10:1

Pwen Yesu itali kol ara, pe iya kol namandran hape Yutiya ita haroh para ndran Yortan. Pe hu ndramat soyon iya husa mbultere hu porosih i. Pe ihinuwani hu iya nongna Ngindrai, paratesah, kultuwayi kowasen, ara tehen tora ko.

Mak 2:1

Lang hayah iyamulan, Yesu imui iya Kapernawum, pe nongan ingau tehe Yesu kinmui kinsa wum.

Mak 3:1

Porosih aro, Yesu iya nondriya yumwa totohun, pe ndramat hamou iro aliy, ara niman hakip imat.

Mak 6:2

Lang Sapat isarayah, pe Yesu iro hinuwani nongan iya nondriya yumwa totohun . Hu ndramat soyon iya huhulingi yiy pe huro lohonge ndrit, pe hupa, “Ndramat ara, iwiri hu nongan ara, ipwen aleheh? Lohongai waison hira kili yiy ara sehe lohongai? Pe ita pwaingani hu ndraikiya pwoke iyau niman, ara tehen tapeh?

Luk 10:15

Pe wawu para Kapernawum, wawu pakasikiye wawu kaya paingan yang, ndre? Pwi yoh! Wawu andre kaya pwan masih ndrohonoku hu ndramat kanmat.

Luk 13:10

Iho nondriya lang Sapat sih, Yesu iro hinuwani hu ndramat iro nondriya yumwa totohun hawum.

Luk 4:16

Pe Yesu ara imui iya Nasaret, kol mepo imandra iro aliy. Pe iro mwonen lang Sapat, yiy iya nondriya yumwa totohun, tehe ngara kiro mbusiy. Pwen itine para kipohowe nongan.

Luk 4:23

Pwen Yesu ipwai iya kili hu, ipa, “Matisan wawu pakatiyani paya nongan sahin iye kisa kili yo: ‘Ndrokta, asopwoyani wou mbukenam!’ Tesah mepo anmbusiy pwen iro Kapernawum, ara ambusiy tehen aliy opu kiro kolom imwonen iye.

Aposel 17:2

Pe Pol iya nondriya yumwa totohun tehe ngara kiro mbusiy. Pe iho nondriya lang Sapat maroyoh, Pol ipwatiriye iyapolohu iya nongan mepo ita nondriya puk ta Ngindrai.

Aposel 18:4

Iho nondriya lang Sapat masih, ngara kiya nondriya yumwa totohun para kipwatiriye nongan kiyasurahu, pe kinohonou para kiluwi lohonga hu Yutah pe hu Krik.