Luk 7:41 - Nongan Hiyan

⁴¹ Pwen pe Yesu ipwai, ipa, “Ndramat malmou hilu nahi sombule pat ta ndramat hamou. Hamou inahi mayipou, pe hamou inahi mayimingat.

Luk 7:41 Iomraidhean Croise

Mattiu 18:28

Hapeko iro mwonen ndramat para poya mbulen ara iya ngawan, pwen iya kahi ndramat hamou para poya mbulen iyawule, mepo nahanah tan iro kili yiy ara masangat. Pe imbultuwe tahatini yiy pe niman indrek koyun pe irakekeyani yiy, ipa, ‘Apo soiwi nahanah tam iripo kili yo!’

Mattiu 6:12

Pe atali hu pakut mwomwan towu, tehe yowu ngara katali hu pakut mwomwan tahu ndramat mepo hu ngara kambusi pakut mwomwan kisa kili yowu.

Mak 6:37

Pe Yesu ipa, “Wawu kahang hu hapesah para hu kayan.” Pwen husok yiy, hupa, “Wou apa ndre hiyan para yowu kaya sowani ndrinanohun, pe yowu kayaikiy kiya anahu pe hu kainiy, ndre? Anandrinai ara, andre kennen kirayah tehe kenne ndramat hamou ngara kiwiriy nondriya walah mandrolwoh!”

Luk 11:4

Pe atali hu pakut mwomwan towu, tehe yowu ngara katali hu pakut mwomwan tahu ndramat masih, mepo hu ngara kambusi pakut mwomwan kisa kili yowu. Pe mbuna aluwani yowu kiya nondriya nohonou.’ ”

Luk 12:48

Hapeko ndramat mepo kinpahasani namiliwa namandran tan pwi, pe imbusi melit mepo ilahiy kiwiri koran kaliy, pwen namandran tan, ara andre kimwahi yiy kiho mwak o. Pe kapa ndramat kiwiri melit soyon, ara andre kiyuk melit soyon tehen aliy yi. Pe kapa hu ndramat kaiki melit soyon kiya nima hamou, pwen soiwin hu nakasok para kimui, ara andre kiho hin pe kiramwaitiniy.

Luk 13:4

Pe yihu ndramat songui pe androlmou ara, mepo huro seu sohokan niwen iro Silowam, pe iput pe irahatuwe hu pe humat, ara wawu pa ndre kultuw mwomwan tahu ara iramwaitini kultuw mwomwan tahu masih hiyeh hutora Yerusalem?

Luk 7:40

Pwen pe Yesu isomwi lohongan, ipa, “Simon, nongnam handra iripo kili yo, nakupwai kisa kili wou.” Pe Simon ipa, “Kiya, ndramat para hinonou, apwai kisa kili yo.”

Luk 7:47

Pwen pe upwai sa kili wou tehe, pihin aro, ara ndriyan imbuluhi yo namandran iya, pwen pe hu pakut mwomwan soyon atan, ara Ngindrai kintaliy. Pe hiyeh mepo Ngindrai kintali hu pakut mwomwan tan hape ko, ara andre ndriyan kimbuluhi yiy hape ko yi.”