Luk 5:11 - Nongan Hiyan

¹¹ Pwen huluwi ndroyehu malkou iya paingan pwaki leng, pe hutali memelit masih konto, pe huho ndruwa Yesu.

Luk 5:11 Iomraidhean Croise

Mattiu 10:37

Pe hiyeh ndriyan imbuluhi yo, hapeko ndriyan imbuluhi taman ndre tinan iya namandran iya isato, ara kinlahiy para kirayah ndramiro pwi. Pe hiyeh ndriyan imbuluhi yo, hapeko ndriyan imbuluhi norun kamai ndre norun pihin iya namandran iya isato, ara kinlahiy para kirayah ndramiro pwi.

Mattiu 19:27

Pe Pita isomwi yiy, ipa, “Yowu kantali hu melit masih para yowu koho ndruwam! Andre yowu kawiri tesah hiyan kiyau aliy yeh?”

Mattiu 19:29

Pe tunan yo ko, sehe ndramat mepo kitali suwen, ndre nalin, ndre pisun, ndre taman, ndre tinan, ndre norun, ndre pingen, ara andre kiposura melit tan maporosangat, pe andre kiwiri taleh kinto-kinto.

Mattiu 4:20

Pwen indrou pwi ko, hilu tali kahu ta hilu pe hilu ho ndruwa Yesu.

Mattiu 4:22

pe hape pwi ko, hilu tali tama hilu pe ndroi, pe hilu ho ndruwa Yesu.

Mak 10:21

Yesu maran iya kili yiy pe ndriyan imbuluhi yiy pe ipwai iya kili yiy, ipa, “Melit handra ko ita ndron para ambusiy. Ayau aya, pe ayapo pehei kiya hu melit tam masih, pe awiri singayai para aliy, pe atainganiy kiyata hu ndramat mepo hundroisiy, pe andre awiri hu melit lahayan kennen namandran ita kol paingan yang. Pwen asa, oho ndruwo.”

Luk 5:28

Pwen Lepi itine, itali melit masih kene konto, pe iho ndruwa Yesu.