Genesis 48:16 - Nongan Hiyan

¹⁶ Pe wou asarayah asa kili yo tehe hamou angelou, pe apwokarani yo iya sehe melit mwomwan mepo pakisarayah kili yo. Mahapo aiki lomwes tam kiya kili noru hilu aro, pe ambusi yowe noru hilu karayah soyon kiro kol pwan. Pe andre koyu hu ndramat andre kinmayit ngolo pe ngala Yisak pe Apraham pwi.”

Genesis 48:16 Iomraidhean Croise

Genesis 22:11

Hapeko angelou ta YAPAN hamou iho paingan yang, iyoh isa kili yiy ipa, “Apraham! Apraham!” Pe Apraham isomwi yiy ipa, “Tesah? Yo urupo.”

Genesis 22:15

Pwen angelou ta YAPAN iyoh iya kili Apraham iyau paingan yang porosih i, ipa,

Genesis 32:28

Pwen pe ndramat ara ipa, “Ngalam mamu ara Yakop, hapeko mahapo ara ngalam howen ara nakiya ‘Yisrayel’. Paratesah, wou anposisiwe iyasura ndramat pe Ngindrai yi, pe anpwoke pwen.”

Genesis 46:3

Pe yiy ipa, “Yo ara Ngindrai–Ngindrai ta tamam. Wou mbuna anoh para aya kol Yisip. Yo ara andre kumbusi wawu karayah soyon iya, koro ariya.

Genesis 48:5

Mahapo norum malmou mepo hilsarayah iro Yisip makunsa mapu, ara andre hilu karayah tehe noru imwonen; Eprayim pe Manasseh ara hilu karayah tehe noru imwonen, mwensen tehe noru hilu Rupen pe Simeyon.

Genesis 49:22

Yosep ara irayah hiyan iya tehe hakou kei hira ndran ndrikou sih. Mbuwan ara ngara kirayah soyon iya. Pe ndrandran ara husinot iya naiwen, iyah, pe iroh iramburuhi kou.

Mattiu 6:13

Pe mbuna aluwani yowu kaya nondriya nohonou, hapeko asopwat yowu kasa mawen kili Sinai. Paratesah, kolo king, pe pwoke namandran, iyapolo nonowa nganam, ara masih atam, pe andre kinto-kinto. Ndrokonan.

Aposel 15:17

Pwen pe yihu ndraye ndramat masih para kol pwan mepo hutora ndron kene ara hu katen Yapan, pe hu Ndramira Lah mepo ngolo ita kili hu pwen. Aro ara nongna Yapan, yiy mepo kinmbusi hu melit iye kantayah.’

Titus 2:14

Yesu iyki yiy mbukenan isa torou para kirakonihi rou kasa mawen hu kultuw pwassin, para kisungani hu ndramat hasap mepo yiy ihaiye hu para hu karayah howen, pe karayah ndramiran mbukenan, mepo andre hu kasumwakmwak para kambusi kultuw hiyan.