Genesis 40:5 - Nongan Hiyan

⁵ Iro nondriya ping sih, hilu ndramat mepo hilro nimnim iya wain pe ndrinanohun ara hilu malmou kene hilu nihinih. Pe nihinih ta hamou ara handra pe ta hamou ara handra.

Genesis 40:5 Iomraidhean Croise

Genesis 20:3

Pe Ngindrai iyarayah iya kili Apimelek iya nihinih pe ipwai iyatan ipa, “Wou andre amat, paratesah, pihin mepo anwiri yiy ita kili wou ara kinyesou.”

Genesis 40:1

Iya ndrangan niwen hape, pe ndramat ngara kiro nimnim kiya ndrunu wain ta king tahu Yisip, pe ndramat mepo ngara kiro nimnim kiya ndrinanohun ta king, ara hilu mbusi melit handra mwomwan, pe king ara welen imai ta hilu.

Genesis 40:4

Pe namandran tahu makundrayin ipwai iyata Yosep para maran kiro ta hilu ndramat ara. Pe yihu ro nondriya kou ara ndrangan niwen hape.

Genesis 40:6

Pwen Yosep isa kili hilu mandroulang pe inime saiyani hilu tehe hilu lomwa.

Genesis 40:8

Pe hilu somwi hilpa, “Ehe, youlu malmou kene ara youlu nihinih, pe kinlahi hamou ndramat iripo iye kitiyani ndroiyi nihinih toulu pwi.” Pwen Yosep ipwai iyata hilu ipa, “Ngindrai opu ngara kipwaingani ndroiyi nihinih. Kiya, walu katiyani nihinih ta walu kisa kili yo.”

Genesis 41:11

Pwen ping sih yo pe yiy youlu nihinih, pe nihinih to ara handra pe atan ara handra.