Genesis 22:11 - Nongan Hiyan

¹¹ Hapeko angelou ta YAPAN hamou iho paingan yang, iyoh isa kili yiy ipa, “Apraham! Apraham!” Pe Apraham isomwi yiy ipa, “Tesah? Yo urupo.”

Genesis 22:11 Iomraidhean Croise

Genesis 16:7

Hakar iyau iya iye kol mwaihei pakeh sohomwiying handrang ngilse sai iya kol Sur. Pe angelou ta YAPAN hamou iyarayah iya kili yiy

Genesis 21:17

Pe wihou ara irang pe Ngindrai ihilingiy. Pwen angelou hamou ta Ngindrai iho paingan yang pe iyoh Hakar ipa, “Hakar, ariya tehen tapeh? Mbuna anoh; wihou iyera pwan pe ita rang yoro, ara Ngindrai kinhilingi ndringen pwen.

Genesis 21:18

Atine pe aya soli yiy kitine pe kisa kili wou. Yo andre kumbusi yiy pe ndrayen hu andre kasarayah soyon iya.”

Genesis 22:1

Hayou masahayeh ihipwen, Ngindrai pakihinonou lohonga Apraham. Pwen pe Ngindrai iyoh iya kili yiy ipa, “Apraham.” Pe Apraham isomwi yiy ipa, “Apwai. Yo urupo.”

Genesis 22:10

Pwen niman iya pe iwiri semen para pakitingundru norun .

Genesis 22:12

Pe angelou ipwai ipa, “Mbuna atingundrun! Pe mbuna ambusi hapesah kiya ta wihou ara. Paratesah, mahapo upahasaniy tehe wou ara ngara aro pahandra nohowai ta Ngindrai, pe norum mepo ndriyam imbuluhi yiy imwonen ara, ara nerem kinna tan pwi.”

Genesis 22:16

“YAPAN ipwai ipa, ‘Yo mbukeno urandragan iya ngolo, toro: wou nerem kinnata norum pwi, pe apaiki yiy masih kisa kili yo;

Genesis 24:7

YAPAN, Ngindrai para paingan yang, ara kinwiri yo kunsa mawen pwan kili yowe tomo hu. Pe kinpwatisingiy pe kintandrangan pwokeyan kinsa kili yo, para yiy andre kiyki pwan iye kiyata tumbuhu. Ngindrai andre kipwandrisa angelou tan kimu pe wou andre aro ndruwan para aya pe awiri nambuyu noru.

Genesis 31:11

Pe yo unihiyani angelou hamou ta Ngindrai isa pe iyoh isa kili yo ipa, ‘Yakop!’ Pe yo upa, ‘Tesah; yo ye.’

Genesis 37:13

Pe Yisrayel ipwai iyata Yosep ipa, “Nalim hu kanna hang hu sipsip kanna sahin iyapwen te kol Sekem. Kiya, nakupwandrisa wou para aya nime hu.” Pe Yosep ipa, “Hiyan, Tomo; andre kuya.”

Genesis 46:2

Pwen ping ara Ngindrai iwong iya kili Yakop iya taltan, pe ipa, “Yakop! Yakop!” Pe Yakop isomwi Ngindrai ipa, “Tesah? Yo urupo.”

Genesis 48:16

Pe wou asarayah asa kili yo tehe hamou angelou, pe apwokarani yo iya sehe melit mwomwan mepo pakisarayah kili yo. Mahapo aiki lomwes tam kiya kili noru hilu aro, pe ambusi yowe noru hilu karayah soyon kiro kol pwan. Pe andre koyu hu ndramat andre kinmayit ngolo pe ngala Yisak pe Apraham pwi.”

Aposel 26:14

Pwen yowu masih kene ara yowu yos ya pwan, pe yo uhulingi ngasa mbulukoyu hamou ara iwong isa kili yo iya nongna kol Hipuruw, ipa, ‘Sol! Sol! Paratapeh pe ata tandroyani yo? Melit kakau mepo ata mbutikai iya aliy ara, andre wou mbukenam akuni nopwaran para aliy.’

Aposel 9:4

Pwen iyos iya pwan, pe ihilingi mbulukoyu hamou iwong iya kili yiy, ipa, “Sol, Sol, paratapeh pe ata tandroyani yo?”