Aposel 18:10 - Nongan Hiyan

¹⁰ Yo utasura wou pe kinlahi ndramat hamou kipokasiyani wou ara pwi yoh. Paratesah, hu yau to ara hu soyon iya hutopo nondriya kol namandran iye.”

Aposel 18:10 Iomraidhean Croise

Mattiu 1:23

“Ahalingiy, pihindrahin hamou mepo kinna sura kamai mapu, ara andre kimwalahiy ta mbunah kamai hamou, pe andre kapohowe ngalan kiya Immanuwel.” Ndroiyi ngalan Immanuwel, ara ipa toro: “Ngindrai ara iripo sura tou.”

Mattiu 10:30

Pe tehen aliy opu, hu kompai hutora paya wawu, ara Tama wawu kindromwahu topwei.

Mattiu 28:20

Pe akahanuwani hu para hu koho ndruwa nongan masih kene, mepo kunpwandrandrahaniy kinsa kili wawu. Pe ndrokonan masih, yo, ara urupo sura wawu lang masih, kipoo kiya matne lang kiyahapwen.”

Luk 21:18

Hapeko kompai hamou ita paya wawu, ara andre kinmut pwi.

Aposel 15:14

Simon kintiyaniy pwen tehe Ngindrai kinpwaingani pwokere tan imu iya kili hu Ndramira Lah, pe iwiri hayah tahu para karayah ndramiran.

Aposel 15:18

Ngindrai kinpahasani melit ara koluw mamu kinna.”

Aposel 18:11

Pwen Pol iro manau ara ipoo hayou sih pe sahin, pe iro hinuwani hu iya nongna Ngindrai.

Aposel 18:9

Pwen yoping sih Yapan iwong iya kili Pol iya taltan, pe ipa, “Mbuna anoh pe mbuna amun. Aro wong o kiropo kiya.