Aposel 17:11 - Nongan Hiyan

¹¹ Pe hu Yutah para Pereya kultuwayihu ara hiyan iya, pe iramwaitini kultuwayi hu Yutah para Tesalonaika. Pe yihu hilingi nongna Pol pe hunamiliy tisingiy. Pe lang sih tehe sih, ngara hu kanime nokulaniy nondriya hu Nongna Ngindrai, para hu kanimei tehe nongan mepo Pol iro pwai ara ndrokonan, ndre pwi.

Aposel 17:11 Iomraidhean Croise

Mattiu 13:23

Pe hu peke wit mepo hulon huro pwan hiyan, ara tehe ndramat mepo ihilingi nongna Ngindrai, pe lohongan ileu iya aliy. Pe wit ara ippwai, pe iyki peken iya masangat ndre manongui ndre matingui.”

Luk 1:2

Yihu ratuluwi titiye para melit mepo hu hiyeh kannimei mamu kinna, kinna marahu. Yihu ara, ara hurayah ndramat para poya mbulen para nongna Ngindrai, pe huratiyaniy isa kili yowu.

Luk 11:3

Ahang yowu anandrinai para lang sih tehe sih.

Luk 16:29

Pwen pe Apraham ipwai paiwe iya kili yiy, ipa, ‘Nongan ata Mose iyasura hu Poropet, ara ita sura nalim hu. Hu koroiki ndrainga hu kaliy.’

Luk 24:44

Pe ipwai iya kili hu, ipa, “Kunpwai pwen kinsa kili wawu, ma uro ndron sura wawu: melit masih andre kirayah mannan kisa kili yo, tehe pwayan kinpwai pwen ita Nongan para Pwahanou ata Mose, pe hu Poropet, pe hu Waliy.”

Aposel 10:33

Pwen hape pwi ko, upwanos wou para asa. Pe hiyan para ansa. Mahapo yowu masih topo mbulmara Ngindrai, para kahalingi sehe melit Yapan kinpwandrandrahaniy kinsa kili wou para napwai kisa kili yowu.”

Aposel 11:1

Pe yihu aposel iyapolo hu nali hu mepo huro Yutiya masih, ara huhulingiy tehe hu Ndramira Lah, ara hu kanwiri nongna Ngindrai yi.

Aposel 17:1

Pwen Pol hilu Silas hilya yau kol malkol ngawan Ampipolis pe Apolloniya, pe hilu yarayah hilya kol ngawan Tesalonaika. Pe hape ara, yumwa totohun hawum tahu Yutah iro aliy.

Aposel 2:41

Pe hu mepo welehu iso iya nongna Pita, ara huwiri paptais. Pwen imwonen lang ara ndromwoya hu ndramat ara ihon iya matipou (3,000), iyapolo hu para mamu.