Aposel 13:32 - Nongan Hiyan

³² Pe yowu topo pohowe nongan hiyan isa kili wawu ipa toro: Sehe melit mepo Ngindrai kinpwatisingiy kinna kili tumburou hu,

Aposel 13:32 Iomraidhean Croise

Genesis 12:3

Yo andre kutoholi hiyeh kapa kitoholi wou, pe andre kuten ana hiyeh kapa kiten anam. Pe hu ndraye ndramat masih para kol pwan ara yo andre kutoholi hu kiyau hiyan atam.”

Genesis 22:18

Pe yihu ndraye ndramat masih para kol pwan andre kutoholi hu kiyau kili ndrayem hu, paratesah, wou ahalingi yo.’”

Genesis 26:4

Andre kumbusi ndromweya ndrayem hu kasarayah soyo-soyon iya, tehe hu piriy hora yang; pe pwan masih iye ara andre kuikiy kiyatahu. Pe hu ndramat para kol masih topo kol pwan ara andre kutoholi hu kiyau kili ndrayem hu ko;

Genesis 3:15

Pe andre kuiki hingas kiho mwalingam pe mwalinga pihin, pe mwalinga ndrayem hu pe mwalinga ndrayen hu. Pe ndraye pihin hamou andre kiraluluwi payam, pe wou andre ayantani mbutikan.”

Genesis 49:10

Nes mepo irakinima pwoke ta king ara, ara kinlahi para kiya mawen kili Yutah pwi, pe yiy andre kiro king lang masih. Pe andre kiro kipoo kiya manne mbukena nes ara kisa. Pe hu ndramat para kol masih andre koro hilingi yiy opu.

Luk 1:19

Pwen angelou isomwi yiy, ipa, “Yo ngolo Kapriyel. Yo ngara kuro tine mbulmara Ngindrai, pe ipwandrisa yo para kusa nese ndraingam kiya nongan hiyan iye.

Luk 2:10

Hapeko angelou ipwai iya kili hu, ipa, “Wawu mbuna akanoh. Yo usaiki nongan hiyan para pwesai namandran iya, isa kili wawu ndramat masih kene.

Aposel 10:36

Nongan mepo Ngindrai kiniykiy kinsa kili hu ndramat para Yisrayel, ara iye: Kinpohowe nongan hiyan para ndriya wayis iyau kili Yesu Kristus, mepo yiy Yapan torou masih.

Aposel 13:23

Ngindrai iyki Yesu ara para kisopwat hu para Yisrayel; pe Yesu ara irayah iyau ndraye Tepit tehe Ngindrai kinpwatisingiy pwen.

Aposel 13:38

Pwen pe wawu nali, yowu topo pohowe nongan aro isa kili wawu, para wawu kapahasaniy, tehe Yesu ko andre kitali hu pakut mwomwan masih ta wawu.

Aposel 14:15

hilu pa, “Wawu torou! Paratapeh pe wawu tora mbusiy tehen tora? Youlu ara ndramat opu tehe wawu ko. Youlu topo pohowe nongan hiyan isa kili wawu, pe youlu sa pwai para wawu kaiki ndruwa wawu kiya mawen kili hu melit o mwaihei ariya kene, pe akarapaiwani wawu pe akasa kili Ngindrai ndrokonan mepo imangsani kol pwan pe hu kol yang, pe ndras iyapolo hu melit masih kene hu tora aliy.

Aposel 26:6

Pe huiki yo mahapo iya nongan, paratesah, upwotisingi lohongo pe urupo sohoni tesah mepo Ngindrai kintandrangan pwen, kinna kili tumbu yowu hu.

Aposel 3:19

Pwen pe akarapaiwani ndriya wawu pe akarapaiwani wawu kasa kili Ngindrai. Pwen pe Ngindrai kirapiyani hu pakut mwomwan tawawu kayau,

Aposel 5:42

Lang sih iyau sih, ngara hu koro nondriya kowa yumwa totohun namandran, pe ngara hu kaya payumwa wum. Pe yihu aposel ara konhotohai mbulen para hinonou pwi, iyapolo pohoweya nongan hiyan tehe Yesu, yiy ara Kristus.