Aposel 13:12 - Nongan Hiyan

¹² Pwen pohon para kol ara, inime sehe melit irayah pe ndriyan ipwotisingi nongna Yapan, paratesah lohongan indrap iya hinonou ta Yapan.

Aposel 13:12 Iomraidhean Croise

Mattiu 27:54

Pe iro mwonen ndram mepo ihohin tahu ndram masangat, pe hu mepo huro memerani Yesu, ara hunime nunuw, pe hu melit masih kantayah, pwen hunoh turuwehu, pe hupa, “Ndrokonan masih, yiy Noru Ngindrai!”

Luk 4:22

Pwen hu masih husikiye yiy, pe huro lohonge soyon iya nongan para koisirai mepo iyau pohon. Pe huro sok, hupa; “Aripo noru Yosep, ndre?”

Luk 7:16

Pe hu masih lohongahu ikairut, pe huro hari ngala Ngindrai, huro pa, “Poropet hamou namandran iya ara kinsarayah iripo mwalingarou. Ngindrai kinsa para kisopwat ndramiran hu.”

Aposel 13:48

Iro mwonen yihu Ndramira Lah huhulingi nongan aro, hupwes pe huhuri nongna Yapan; pe hu ndramat mepo Ngindrai kintakinimahu para kawiri taleh andre kinto-kinto, ara hupwotisingi lohongahu.

Aposel 13:49

Pe huwiri nongna Yapan iya, pe isilihi topwe kol namandran hape ara.

Aposel 13:7

Yiy ara ndramat para pwandrendres ta Serkiyus Paulus, yiy mepo pohon para kol namandran iya Saiprus. Pe Serkiyus Paulus, ara ndramat mepo lohongai namandran hiyan iro kili yiy. Pe iyoh Parnapas pe Sol hilusa, paratesah, inamiliy para kihilong nongna Ngindrai.

Aposel 13:8

Hapeko ndramat mapairan ara, mepo hu ngara kapohowe ngalan handra yi “Elimas” (ndroiyi ngala Elimas iya nongna kol tahu Krik ara ipa, ndramat mapairan), ndramat ara, ara pakikaituwe mbulya hilu, paratesah, mbuwalin para Serkiyus Paulus kipwotisingi nongna Ngindrai.

Aposel 15:35

Hapeko Pol hilu Parnapas, ara hiluro ndron Antiyok, pe hilu iyapolo hu ndramat soyon hape i, ara huro hinuwani hu ndramat pe huro pohowe nongna Yapan.

Aposel 15:36

Lang hayah iyamulan hape, Pol ipwai iya kili Parnapas ipa; “Worou kamui kaya saisai kaya kili nalirou hu, hutora nondriya hu kol masih mepo tukanpohowe nongna Yapan kinna aliy pwen. Pe tukaya nime hu—hutora tehen tapeh.”

Aposel 18:12

Tandrohonga Kalliyo iro pohon para kol ngawan Akaya, hu Yutah masih ara humbultere hu pe huwiri Pol pe huyaiki yiy iya nongan.

Aposel 19:10

Pol iro mbusiy tehen tora, nondriya hayou maluwoh mwaniye. Pwen pe hu para Yutah masih kene, pe hu para Krik masih kene, huro kol namandran iya Esiya, ara hu masih huhulingi nongna Yapan.

Aposel 19:20

Pwen tehen tora ko, nongna Yapan ara ingau pe imandra iya namandran iya, pe pwokeyan iya.

Aposel 19:38

Kapa Temetriyus pe hu ndramat para susuyan ara nongnahu nakaya kili ndramat hamou, pwen andre kirayah lenge tamwaniye. Hu ndramat para tamwaniye hu topo. Pwen andre hu karamwanye hu kiya mbulmara nongan.

Aposel 19:7

Pe ndromwoyahu, ara iho pakeh tehe songui pe lumou.

Aposel 28:7

Pe kalsiu namandran mepo ita pakeh kol ara, ara kalsuwa ndramat hamou namandran ngalan Pupliyus, yiy ara pohon para mbuson ara. Pe yiy irawulohani yowu pe iwiri yowu iya suwen, pe ipwokarani yowu hiyan iya, iho nondriya lang maroyoh.

Aposel 6:10

Hapeko Mwoiwan Haiyan ara iyki lohongai hiyan iya, iya kili Stipen, pe hu kanwenei para hu kapepet pe karamwaitini nongnan ara pwi.

Aposel 8:25

Iyamulan para hilu aposel hilu tiyani sehe melit kintayah kili hilu, pe hilu pohowe nongna Yapan, pwen Pita hilu Yohanes ara hilu mui hilya Yerusalem paiwe. Pe iro mwonen hilro tokai hilya, ara hilro pohowe nongan hiyan iya nondriya hu kol mendreheh soyon tahu Samariya.