Yohane 20:14 - Sura Malelaha

¹⁴ Hangko inditi, membalilimi Maria hai moita Yesu meangka i taleuna, agaiana bara naisa kaYesunami.

Yohane 20:14 Iomraidhean Croise

Yohane 21:4

Hungku mabaami, Yesu meangka i wiwi rano, agaiana bara raisa kaYesuna.

Lukasi 24:16

Moitamohe Yesu, agaiana ara au mopawuli pekirinda ido hai bara raisa kaIana Yesu.

Markus 16:9

[Pearona Yesu hangko i kapate madondo-dondo i alo Minggu, nguru-nguruna Ia mopatongawa wataNa i Maria Magdalena. Maria iti, au napakaoha Yesu hangkoia i kanapesuangina pitu seta.

Matiu 28:9

Bila-bila Yesu hawemi i olonda towawine iti, hai Natabehe. Maimohe hungku-hungku, mokalapui bitiNa hai menomba Iria.

Yohane 8:59

Karahadina to Yahudi lolitaNa iti, motimamohe watu rapeinao mowatui Yesu. Agaiana Yesu padu ngkandii hangko i Souna Pue Ala hai barapi raita.

Lukasi 24:31

I tempo iti, hangko manotori lalunda kaYesunami au maande sambelahe. Roo indo, unga pea matanta Yesu; barapi raita.

Markus 16:12

Roo indo, Yesu mopatongawa mbulimi wataNa i rodua topeulaNa au tanganda lumao mesule hangko i Yerusale laohe i boeanda. I tempo iti, lenggeNa Yesu bara nodo biasa.

Lukasi 4:30

Agaiana Yesu molumao i olonda tauna bosa, hai liliuhe Napalehi.