Yohane 10:21 - Sura Malelaha

²¹ Agaiana ara wori au manguli, “Bara! Tauna au napesuangi seta bara mololita nodo. Peisa pae seta mopakaoha tauna au bilo?”

Yohane 10:21 Iomraidhean Croise

Matiu 11:5

au bilo meitami, au palu molumaomi, au ketangga maohami, au bongo mehadimi, tauna au mate Kupatuwo hule, hai Ngkora Marasa Kupahawemi i tauna au meahi-ahi tuwonda.

Matiu 4:24

Pobagona Yesu tebambari i ope-ope boea i tampo Siria, alana bosa tauna au mai mampeinaohe mohidupa hai Ia. Tauna iti moantihe ranganda ba halalunda au mantodiha ngkaia pakana hakinda hai kaparinda, au napesuangi seta, au mohaki dungka, hai au palu. Yesu mopakaohahe ope-ope.

Yohane 10:22

I tempo iti i Yerusale, tauna mopaarahe susa mokatuinao Alo Popamalelaha Souna Pue Ala hangkoia. I tempo iti, tempo makuli.

Yohane 9:6

Karoona Yesu mololita nodo, motinudumi i tampo. TinuduNa Nagalo hai tampo bona mewali reta, pane Napoporirohi matana tobilo iti.