Matiu 7:12 - Sura Malelaha

¹² “I paka-pakana, apa au niunde rababehi rangami irikamu, iti wori au hangangaa nibabehi i rangami. Itimi paturona Aturana Musa hai paturonda nabi.

Matiu 7:12 Iomraidhean Croise

Matiu 5:17

“Inee nipehangu tunggaiana kamaiNgku ide bona mogeroNa Aturana Pue Ala au nauki Musa hai paturonda nabi hangkoia. Bara mai Kugero. Agaiana MairiNa mopabukei Atura iti.

Lukasi 6:31

I paka-pakana, apa au niunde rababehi rangami irikamu, iti wori au hangangaa nibabehi i rangami.

1 Timotiu 1:5

Tunggaiana paturongku ide bona ikita ope-ope mombepokaahike. Hangangaa mombepokaahike hangko i lalunta au malelaha, hangko i kabulana lalunta hai hangko i kamarohona pepoinalainta i Pue Ala.

Yakobu 2:8

Maroa babehiami ane mampeulaikau hawana Datunta au i lalu Sura Malelaha au manguli, “Nipokaahi hangka rangami nodo pampokaahimi watami haduduami.”