Matiu 26:36 - Sura Malelaha

³⁶ Roo indo, hawemohe i bonde au rahanga Getsemani. Inditi Yesu mouliangaahe topeguruNa, “Mohudamokau inde. Iko, laoNa hampai mekakae.”

Matiu 26:36 Iomraidhean Croise

Matiu 26:39

Roo indo, lao karao haodi, molingkudumi motumpa mekakae, Nauli, “UmaNgku, ane peisa, Nupakaraoa wongkoia kapari au ina morumpaNa ide. Agaiana bara peundeaKu au Kuula; peundeaMuri, Uma.”

Matiu 26:42

Hangko inditi, lao mbulimi mekakae haduduana, Nauli, “UmaNgku, ane kapari ide bara peisa rapakarao hangko Iriko, batena peundeaMuri au mewali.”

Matiu 6:6

Agaiana ikamu, ane mekakaekau, hangangaa mesuakau i lalu lincumi hadua-hadua, nituko babami, hangko mekakaerikau i Umami au bara niita. Lawi Ia moita mpuu babehiami au bara raisa rangami, hai Ia ina mohurungiakau.

Ibarani 5:7

I tempona mani Yesu tuwo i lalu dunia ide, Ia meraroa hai moteria, mekakae hai mohowara pamperapiNa i Pue Ala au makuasa mokabaha hangko i kapate. Agaiana Yesu bara moula peundeaNa haduduaNa, batena mengkoru i peundeana Pue Ala. Ido hai Pue Ala mampehadingi pamperapiNa.