โยชูวา 10:1 - Northern Pwo Karen Thai Bible

¹ ท่อง อาโดนีเซเดะ กจุ้แฆว้ เว่ง เยรูซเลง, แน่ฌ๊า เว๊ โยชูวา ดึ้ เว่ง ไอ นี่ เย้า, ดี๊ แม้ เฌ๊ฌ้อง เว่ง นอ เลา ปะ เย้า นอ, (แม้ เอะ เว่ง ไอ ดี๊ อ กจุ้แฆว้ บี่ซุ้ดี๊ แม้ เอะ เว่ง เยรีโค ดี๊ อ กจุ้แฆว้ นอ ปะ), ดี๊ ซีงแฌ๊ เว๊ ปะ พี่ โพล้ง กีเบโอง แม้ ทฆู๊งทพุ้ โละซ้ะ ดี๊ โพล้ง อีซลาเอง เย้า, ดี๊ โอ เว๊ ลู่ง อ ซื๊งเว๊ อ แกล้ พ้า

โยชูวา 10:1 Iomraidhean Croise

ทอคางไท้ะ 14:18

เมงคีเซเดะ พี่ อ เก กจุ้แฆว้ เว่ง ซาเลง, ดี๊ เก กแช่แยว้ ดูทึโท๊ทึ อ โพล้งลื่งเท่ออคู นอ, เฌ๊ โชะ เอะ เว๊ อ กู ดี๊ ไซ้ะ ซไบ้ะ แซ ที๊ง

ฮีบรู 7:1

เมคีเซเดะ ล แฌ้ อี้ง เก กจุ้แฆว้ ลู่ง เว่ง ซาเลง ดี๊ เก โพล้ง ลื่ง เท่อ อ คู, พี่ อ แม้ เอะ กแช่ แยว้ ดู ทึ ล แฌ้ อ เท่อ, พี่ อาบราฮาง ลี้ ดึ้ เท่อ ดี๊ แม้ น้า กจุ้แฆว้ ตบลึ้ แฌ้ เฌ๊ ไท้ นอ, เมคีเซเดะ ลี้ ต้องนอง-อ้ะ ดี๊ ชูแพ ไป๊ป้อง เอะ เว๊ อ เท่อ

โยชูวา 10:3

ลู่ง เท่อ อี้ง อ กย้อง นอ, อาโดนีเซเดะ กจุ้แฆว้ เว่ง เยรูซเลง เกม๊า โพล้ง ลี้ฌูง โฮฮาง กจุ้แฆว้ เว่ง เฮโบรง, ดี๊ ปีราง กจุ้แฆว้ เว่ง ยารามุ้, ดี๊ ยาเฟีย กจุ้แฆว้ เว่ง ลาคิ้, ดี๊ เดบี กจุ้แฆว้ เว่ง เอะโลง, โล้ แบ เว๊

โยชูวา 6:21

ฌ้อง อ ซื๊งเว๊ แม้ เฌ๊ฌ้อง ท กุ้ อ เม้ง ลู่ง เว่ง พ้า นอ ดี๊ น้ะ อ แน่, เลา ดี๊ อ มืง อ แคว๊, โพล้งน่างบางซ้ะบาง, ซ้ะเม้ง ซ้ะแซย่ ซี๊ง เลาพะ, ดี๊ งู้, แกะ, ดี๊ แลว้ ปะ

โยชูวา 8:2

เกม๊า น แม้ เอะ เว่ง ไอ ดี๊ อ กจุ้แฆว้ นอ, บี่ซุ้ น แม้ เอะ เว่ง เยรีโค ดี๊ อ กจุ้แฆว้ นอ ปะ, แบเด้าะ ทฆ้าทโฆ่ ดี๊ ทพูแฆ่ โด้ง น๊างมู๊ง, พี่ ลู่นี่-อ้ะ นอ น แม้ เกก้ะ น เท่อ ซี, แด้เว้ น ซ้ะ ลี้ ดึ้ เท่อ, โอคุ้ซูง-อ้ะ ลู่ง เว่ง โคล๊ง ล โค๊ นอ”

โยชูวา 8:21

ท่อง โยชูวา ดี๊ โพล้ง อีซลาเอง กุ้ แฌ้ แด เว๊ ซึ้พู พี่ อ โอคุ้ซูง ลแพ นอ ดึ้ เว่ง นี่ เย้า, ดี๊ มี อาง เว่ง คูงทาง นอ, อ ซื๊งเว๊ วีง ไท้ อ ซ้ะ ชิ้ซี๊ง กล้าง ซี๊ง ก้ะ โพล้ง แคว๊ เว่ง ไอ นอ ล้อ

โยชูวา 9:3

แบเด้าะ ท่อง โพล้ง กีเบโอง แน่ฌ๊า แบฆ้ะ ดี๊ เท่อ พี่ โยชูวา แม้ เอะ เว่ง เยรีโค, ดี๊ เว่ง ไอ บี่จะเล้ นอ