Filemon 1:2 - Numanggang: Bepaŋ'walaŋ yofolok kobuli tiŋa kap

² Indi pepa i witnik Apiyadok maaŋ youlimiyamut, eŋ Akipa, indigut mikme hatiŋa Bepaŋ’walaŋ kwanaiŋiŋ gineŋ mikneyam aditok maaŋ youlimiyamut, eŋ metam du yokeneŋ bopneŋ Bepaŋ niutumbaiŋ aditok maaŋgoŋ youyemamut.

Filemon 1:2 Iomraidhean Croise

Loma 16:1

Nu tam notnik Fibi, Seŋkiliya kayoŋbopneniŋ, aditok indiŋ hanilat. Adi Wapum’walaaniŋ doktiŋa uŋoŋ usuwaune kaŋ nemenemek momooŋ timineeŋ. Tiŋa nemek wondok be wondok lohiŋa baniŋ tubune hidi kedem tubulodaaŋ miŋtoi tineeŋ. Maŋgande, adi kibi nube, be metam noli momooŋ tinimilak doktiŋa kibibo unduŋ timineeŋ.

Loma 16:5

Tiŋa metam adi’walaŋ yohineŋ Bepaŋ medeŋiŋ nadine bopneiŋ, aditok maaŋ welemomooŋ nadiyemulat. Eŋ notne Epinitas, Esiya kwet dikineŋ uŋaniŋdi timeŋ hinek Kilisto nadisukilitimiŋguk, aditok maaŋ welemomooŋ nadimilat.

1 Kolin 16:19

Wapum diniŋ kayoŋbop Esiya kwet dikidikineŋ hatiiŋdi hiditok welemomooŋ nadihamiiŋ. Akwila eŋ Piliska tiŋa metam adi’walaŋ yohineŋ bopneŋ Bepaŋ niutumbaiŋ, adi maaŋ hiditok welemomooŋ nadihamiiŋ.

Filipai 2:25

Nu nemenemek lohiŋa hatiluwene hidi Epafoloditus niŋkulune buŋa nehikasopneguk. Adi yadi notne eŋ kwanai noŋgoŋ tiyamut eŋ mik wendok gineŋ kikasop tiyamut. Ala adi fiit kotigoŋ niŋkule hidi’walaŋkade bubuŋdok yolat.

Kolosi 4:15

Tiŋa nu Leodisiyahi metam Bepaŋ nadisukilitimiiŋ eŋ Nimpa eŋ Kayoŋbop adi yolineŋ bopneiŋ yeniutumbalat u yenineŋ.

Kolosi 4:17

Akipa adi indiŋ nineeŋ. Kwanai Wapumdi gamguk u baigoŋ hinek kadokooŋ nadidakaleeŋ tuluwaaŋ.