Metiu 3:2 - Nomad New Testament Portions

² Nini ga vavang kodek, “Bina remgili kasinge eroloklok miningot tirimi, tevangasa eninto re exalibet ira kanauret!”

Metiu 3:2 Iomraidhean Croise

Metiu 10:7

Te evapas sirimi, bina vavang ti emomono loxo eninto re exalibet ira kanauret.

Metiu 11:20

Iesu ga xora sok emomono tero kot kolonu ua ni ga kolok eropanga rutuduk lamba gano mado tigoxo leeng. Ni ga ukodek,

Metiu 12:41

Te eleng illa re ne Moroa eme Nineve tinabo tu pana eburu mi emomono teren na erunut, tinabo xoxora asu i loxo emomono teren na erunut ti miningot, tevangasa ne Jona ga vavang kindi ma tiga remgili kasinge erominingot tindi, mado na era kitibukot tirimi, nini i vuruk lexengepe ti ne Jona ma bi xopara ri esoxun eroro rimmi.

Metiu 13:11

Ma ne Iesu ga sepo i rindi xodek, “Ne Moroa ga rebe nimi mi e etere re eninto re exalibet, mugaga ga kolok pilinge. Mado nini goxo rebe nidi min.

Metiu 13:24

Ma ne Iesu ga xora bok era exoxora povo tidi kodek, “Eninto re exalibet i langan eradi i sia eroik wit pukat te eramang keren.

Metiu 13:31

Iesu ga xora bok era exoxora povo tidi xodek, “Eninto re exalibet i langan evenik mastet era eradi ga leke i ma ga sia i tanak katamang keren.

Metiu 13:33

Ma ne Iesu ga xora bok era exoxora povo xodek, “Eninto re exalibet i langan eiis. Evene ga lekei ma ga lok eburu i mi exide vuruk koren ma exide ga ruut.”

Metiu 13:47

Ma ne Iesu ga xora bok kindi xodek, “Eninto re exalibet i langan erauben, emomono loloa tiga loloa min tanak ke dan kis ma tiga sep ke eroasing meme lamba min.

Metiu 13:52

Ma ni ga ukodek, “Koren ma nidi axava exulau loklox asa re Erokoxora Xis se ne Moses loxo tina leke eloklok asa re eninto re xalibet, nidi ti langan eradi i ruuna evarunu vuruk i kip asu eropanga maxat mi eropanga muut ukalamang ke exot lilivi panga ren kusu nan tebe emomono min.”

Metiu 18:23

Bina rongai na. Eninto re exalibet i langan era eorong ga vara loxo exulau gugu ren tibo vot ti un eropiles tiga esebea ti rebe i min.

Metiu 20:1

Ma ne Iesu ga xora gok kodek, “Eninto te exalibet i lok korobok. Era eradi mo ga subusu maxantamak, ma ga leke exulau tibo gugu re ramang vaen teren.

Metiu 22:2

“Eninto re exalibet i langan eorong i gagas livi euxa ti lok evupuke re emadak keren.

Metiu 23:13

“Exulau loklox asa re Erokoxora Xis se ne Moses eburu minimi ebung Parasi, nabo miningot lexengepe tirimi. Nimi exulau ngusekula. Bi kolok pie emusarugu re eninto re exalibet tero marak ke emomono, mado nimi bixo beles seren ma tindi gok emomono ti kolok tongot kusu tina beles.

Metiu 25:1

Ma ne Iesu ga xora bok kodek, “Teren mo eleng eninto re exalibet nabo langan esongoi exoine maxat tiga leke erolam tindi ma tiga pas kusu tina on taraga mi eradi ga gagas ti vuke.

Metiu 25:14

Ma ne Iesu ga xora bok kodek, “Teren mo eleng eninto re xalibet nabo langan eradi ga vara pas lanak papaga. Nini ga xup ke exulau tutuki ren ma ga lok tebe di mi eropanga ren kusu tina kolok tautau i.

Metiu 4:17

Ga rukei teren mo exonaleng ne Iesu gara vavang ti emomono kodek, “Bina remgili kasinge eroloklok miningot tirimi, tevangasa eninto re exalibet ira kanauret!”

Metiu 4:23

Iesu ga pas onno te erokot axava Galili. Ga anasa emomono konong kero unu singsing, ma ga vavang mi Evavang Pukat mumu eninto, ma ga lok aroro emomono kasinge eroasing mineres axava.

Metiu 5:10

Nidi ua ti kip erosongsongot tevangasa ti kolok eroloklok momoton, ne Moroa ga lox anarong di, teia emomono xodek tinabo beles te eninto re exalibet.

Metiu 5:3

“Nidi ua ti etere i loxo ebeak kindi i pakes si ne Moroa, ne Moroa ga lox anarong di, teia emomono xodek tinabo beles te eninto re exalibet.

Metiu 6:10

Eninto runu na vot. Evavara runu na vot teren na evua, langan te exalibet.

Metiu 6:33

Bina puse mugaga bexe eninto ren eburu mi eroloklok momoton teren, ma nini nabo rebe bok nimi mi nom eropanga bi pakes seren.