Metiu 13:44 - Nomad New Testament Portions

⁴⁴ Ma ne Iesu ga xora bok kindi xodek, “Eninto re exalibet i langan exusuma i kolok pilinge konong ke eramang. Era ga mik pot teren, ma ga lok pilinge box i, ma ga pas mi esosoro, ma ga etaga mi eropanga axava ren ma ga un ke mo eramang.”

Metiu 13:44 Iomraidhean Croise

Metiu 13:24

Ma ne Iesu ga xora bok era exoxora povo tidi kodek, “Eninto re exalibet i langan eradi i sia eroik wit pukat te eramang keren.

Metiu 13:46

Teleng ni ga vuse ke era, eunun teren i vuruk lexengepe, ga pas ma ga etaga axava mi eropanga ren, ma ga un ke mo exabilik kaonon.”

Metiu 13:47

Ma ne Iesu ga xora bok kindi xodek, “Eninto re exalibet i langan erauben, emomono loloa tiga loloa min tanak ke dan kis ma tiga sep ke eroasing meme lamba min.

Metiu 19:21

Iesu ga sepoi rin kodek, “Loxo u vara u mapmaran, una etaga axava mi eropanga u ruunai, ma una rebe eropempiles ti emomono ti pakes. Una lox i xoren, ma unabo ruuna ke exusuma pana re exalibet. Ma ude u una mumu asu ia.”

Metiu 19:27

Ma ne Pita ga xoran tin kodek, “Tongai na. Baga pas kasinge eropanga axava ma bara mumu asu u. Eropanga sai ne Moroa na rebe nima min?”

Metiu 19:29

Ma nidi axava tiga pas kasinge erounu o engametak o exainuxu rindi o exantamadi o exanendi o examadak kindi o exoinek kindi o erotamang kindi kusu tina kolok erogugu rak, ne Moroa nabo rebe di mi eadet teren mo eropanga ma tinabo leke eroro avios.

Metiu 6:21

Teia exot ua erokusuma runu i kolok ee, ni ebeak kunu nabo kolok box ee.