Metiu 10:7 - Nomad New Testament Portions

⁷ Te evapas sirimi, bina vavang ti emomono loxo eninto re exalibet ira kanauret.

Metiu 10:7 Iomraidhean Croise

Metiu 10:8

Bina kolok pukat emomono mineres, ma bina kolok axutu emomono minere ti eroro, ma bina kolok pukat emomono mineres gu, ma bina ruki asu ebunggas kasinge emomono. Binan tebe gamasai langan mun ne Moroa ga rebe gamasa nimi min.

Metiu 11:1

Iesu ga xora vom mo erokoxora ti anasa esongoi mi evura exulau lekleke anasa ren, ma tiga pas ma nini ga vas kasinge mo exot ma ga pas lanak konong ke rokot kolonu Galili ma ga anasa emomono ma ga vavang kindi.

Metiu 21:31

Ua era rundu na ga lok egugu ne tamadu ga vara rin?” Ma exongkulau puruk tiga ukodek, “Mo era mugaga.” Ma ne Iesu ga xoran tindi xodek, “A xora tutuna i tirimi, exulau ti kip takis ma exoine tin tebe eaidi xusu piles tira beles ti eninto re ne Moroa mugaga nimi.

Metiu 21:43

Koren ma a xoran tirimi, ne Moroa nabo lok kepe eninto kasinge nimi eme Judaia ma nabo rebe mo emomono ua tibo lok asusu eropeven teren.

Metiu 23:13

“Exulau loklox asa re Erokoxora Xis se ne Moses eburu minimi ebung Parasi, nabo miningot lexengepe tirimi. Nimi exulau ngusekula. Bi kolok pie emusarugu re eninto re exalibet tero marak ke emomono, mado nimi bixo beles seren ma tindi gok emomono ti kolok tongot kusu tina beles.

Metiu 3:2

Nini ga vavang kodek, “Bina remgili kasinge eroloklok miningot tirimi, tevangasa eninto re exalibet ira kanauret!”

Metiu 4:17

Ga rukei teren mo exonaleng ne Iesu gara vavang ti emomono kodek, “Bina remgili kasinge eroloklok miningot tirimi, tevangasa eninto re exalibet ira kanauret!”