TITAS 1:3 - NIEMNYAN Naga NT (BSI)

³ ngale sanpoat thangko arepa Joban ma ate nginkong demko loatsietkat era. Arepa phoangthô rãng Nganâng chienwah, ngale Ngama erepa nãng Pângte Joban ma chien junko phoangthô ekang.

TITAS 1:3 Iomraidhean Croise

MAK MA RAANGWAH NGINKONGSEN 1:15

Atema ngatwah, “Sanpoat pa lâthângtah,” “ngale Joban Hahsông pa lânam hutha! nepapwah hungngaklit letma Nginkongsen ko putedâlem en!”

MAK MA RAANGWAH NGINKONGSEN 13:10

Rohkomin athôan sanpoat hokmako, Nginkongsen pa chentô mihnyan nyuchha nâng bengchoh thômêng kohmin.

MAK MA RAANGWAH NGINKONGSEN 16:15

Atema thinnâng ngatwah, “Hahtokkhoh phangtang nâng chhoanletma nginkongsen pa chentô mihnyan hehnâng phoangthôkoh en.

LUK MA RAANGWAH NGINKONGSEN 1:47

Joban nga Pângte junma ngaju rinroan eka,

MOATLEM 10:36

Atema Isrial mihnyan hehnâng ngin matchhoantah pa nemajet en, erepa Jisu Krista junma mêmo Nginkongsen phoangthô chhoanwah, atea chentôrãng Teso.

MOATLEM 17:26

Atema mihnyan wathe wah chentô mihnyan nyuchha jat apat heh phangtang hôanehi, ngale hahtokkhoh phangtang nâng phoangphan songthuk ehi. Ngale chenre sanpoatko erediko chenre hahko thin sôngmin a ereheh atema khemama them athak lahma thienwah.

ROMAN HEHNÂNG POLMA RAANGWAH SITI 15:19

patritli ngale bâritli, erediko Joban Juchaan junma moatwah. Ngale Jeroselem wah Ilirikum nâng lanhuroh khoamka lekma Krista Nginkongsen pa senthemthem phoangthôtek.

ROMAN HEHNÂNG POLMA RAANGWAH SITI 16:25

Joban mîn dongthuk e! Ngama nenâng Jisu Krista junma Nginkongsen thôkotah junko, ngale ama thuma ajahthem rangpâ rãng toangtang ngin huhriem tahpa loatkhesok junko, atema ne putedâlem pa rongtêngtêng eta dangthuk hèn.

ROMAN HEHNÂNG POLMA RAANGWAH SITI 16:26

Athângheh ere toangtang pa mõng hehma raangwah junko loat eka; ngale roantang roanjêng Joban ma chien junko chentô diak akan hehnâng jetthuk eka, erohwah anga ngama putedâlem eka.

ROMAN HEHNÂNG POLMA RAANGWAH SITI 5:6

Chenrãngma ngako chenthu nãnga chohsokte aho dângpoatko, Joban ma sanpoatsen pa renlahma ere sanpoatsen ko mihnyan chhih hehrãng Krista riieka.

1 KORINT 9:17

Ngama nga moatlempa ngadede mejô renlekma memo angko, ngama erethã chohmin ngama edâlemthem ang; rohkomin ngama erepa metkaptô moatthin moatlem ngama moekang, chenrãngma ngako, ere moatlempa Joban ma nganâng mothuk ehang.

GALATIEN 4:4

Rohkomin chenthu sanpoatsen pa hokphumma Joban ma ate Chha chienkat era. Atea dihiaknyu ma chha lahma Jews heh Niemarang khenko sôngtông katwah,

IFISIEN 1:10

Ere themawa ekapa Joban ma sanpoat methang tahko emoa, erepa rangkhethung ngale hahtokkhoh wah atema tem atiak tahheh Krista khhepho khenko phangtang aroamma eroapsiet hûa.

IFISIEN 2:17

Erohwah Krista kalahma mêmo Nginkongsen pa chentô mihnyan nâng phoangthô kakoh era - Jews ledangte jat ngale Joban tâwah ataangnâng dângwah hehnângmin thôkoh ehèn, ngale Joban tâko tôngte Jews hehnângmin thôkoh ehèn.

FILIPIEN 1:13

Ere junkowah, humbemte sipâhi heh phangtang ngale ahan hehmemin chentôma Nga a Krista haa dângjunko phâtek nâng khhekthien ehang ngama lâjettah.

KOLOSIEN 1:23

Erohwah, nekhuma rongtêngtêng senthemthem putedâlem en. Ngale chenthu nema Nginkongsen chohtat letma dâlemtet a erekowah nekphõngtu en. Are Nginkongsen rãngma Nga Pol min haa rãngrãng dangekang - are Nginkongsen pa hahtokkhoh ko chentô nâng phoangthô koheka.

KOLOSIEN 1:6

Nginkongsen junko hahtokkhoh ma rangkep eka, ngale phangtangma khêmtat eka, ererãngrãng nekhu demnâng min dangeka, nema Joban mînchenchaan nginpa khebengrãng bengchohtattet jâma erepa linlin ngama jet eken.

1 THISALONIKA 2:4

Erenoma, roantangma ninâng Joban ma chenroh jabthuk hun ehia eroh rângjab e, chenrãngma ngako, nima Nginkongsen pa taphoangthôa ngama atema punkhe lahma ninâng thôthuk ehi. Nima mihnyan rinmethuk hunmih, nihung nirin thatsokte, Joban rinmethuk loloba huneki.

1 TIMOTHI 1:1

Nãng Pângte Joban ngale nãngma dâlem eki Jisu Krista ma chien junko, Jisu Krista moattat chhoante Pol ngewah-

1 TIMOTHI 1:11

Are hethôehi nginpa Joban ma Nganâng thôthukthang nginkongsen kowah choheki, are adongthôan Nginkongsen pa rangkohte Joban ma kohehi.

1 TIMOTHI 2:3

Aroh pa asen ngale erohkoba nãng Pângte Joban rinme eka,

1 TIMOTHI 4:10

Nima latrii lihma chaanrii moeki, chenrãngma ngako, nãngma ahin Joban nâng tok anaa eki, ate jôba chentô Pângte, ngale ajahthem pejô henhenma atenâng putedâlem eka ereheh Pângte.

2 TIMOTHI 4:17

Rohkomin Teso Nga damnâng johtong lahma Nganâng chaan kohwah, erohwah Jews ledangte hehma chohtatrãng Ngama nginkongsen pa senthemthem taphoang thôtek; ngale Nga ritphe nemwahmin pesietthang.

TITAS 2:10

ngale thin tângtewa ngewah chenjô nekchen huhwak eka. Erenoma, thinma roantangma putedâlemli danglahma asen chenkhesok wak a, erohkoba thin moatlem moat junko nãng Pângte Joban ngin hethô ekipa asen ngama ekhesok a.

TITAS 2:13

eroh danglihma nãngma dâlemki rangwosen pa bemlae, ere jâko nãng Joban dongthôan ngale nãng Pângte Jisu Krista rânghong mîndông demnâng ehongkara.

LOATKHESOK 14:16

Erediko phoamkhoh wah tôngte pumma ate mitchha pa hahtokkhoh ko khenkatwah, ngale hahtokkhoh wah mun eka heh khôankhen wah.