ROMAN HEHNÂNG POLMA RAANGWAH SITI 9:3 - NIEMNYAN Naga NT (BSI)

³ ere chêmpa nga mihnyan ngale ngadede hei angem hehrãngma choh ekang! Thinrãng mejô mesen ako nganâng Joban memin chentem athoak hang ngale Krista tâwahmin chenphansiet hang ngama hun ekang.

ROMAN HEHNÂNG POLMA RAANGWAH SITI 9:3 Iomraidhean Croise

MOATLEM 13:26

“Ngapho anaa Isrial mihnyan heh, Abraham chhuchha heh, ngale chentô Jews ledangte Joban nâng soam atôte heh: Are khope nginsen pa nãngkhu nâng thôhok kohwah!

MOATLEM 22:5

Arepa soam aroakte adongthôan ngale ngoang awang heh chentôma ajet ngama toangtang thôekãng. Thinma nganâng nãnglemru Damaskas wah Jews hehnâng nyapraang raanglahma kohthang, ephumma ngama Damaskas wah putedâlemte heh lokhhek lekma Jeroselem nâng ngaksietwên lekma chêmsiet rãng Damaskas nâng katwah.

MOATLEM 28:21

Thinma Pol nâng ngatwah, “Nima Judia wah nangrãngma chenni sitijô chohmih, ngale enângwah ni mihnyan kawak era hehmemin chenni nginjô thôkat mahra, ngale nangnângmin chenjô chhihthô mahho.

ROMAN HEHNÂNG POLMA RAANGWAH SITI 1:3

Arepa ate Chha, nãng Teso Jisu Krista junma hôanwah: atea phoangpa mihnyan nyuchha rãngrãng, Devit pôali wah hôngchhatwah;

ROMAN HEHNÂNG POLMA RAANGWAH SITI 11:1

Erediko ngama thôngphâ wah: Joban ma ate mihnyan heh phere eka? Phemah! Ngadede min Isrial mihnyan, Abraham chhuchha, ngale Benjamin jatwah.

ROMAN HEHNÂNG POLMA RAANGWAH SITI 11:14

Ngale ngama nga mihnyan hehma phetwanli molekma thinwahmin roanche kho eta pesiet ang ngama thonghun ekang.

ROMAN HEHNÂNG POLMA RAANGWAH SITI 16:11

Ngalemru Jews Hirodion nângmin salem matkat erang, ngale Narsisus heh hum wah Kristan hehnângmin salem matkat erang.

ROMAN HEHNÂNG POLMA RAANGWAH SITI 16:21

Nga demnâng moatlem johmoatte Timothi memin ate salem matkat ehèn; ngale ngalemru Jews Lukius, Jason, ngale Sosipater hehmemin thin salem matkat ehèn.

ROMAN HEHNÂNG POLMA RAANGWAH SITI 16:7

Andronika ngale Junia nii nângmin matkat erang, ngale ngademko phâtek nâng johtongte ngalemru Jews hehnângmin matkat erang; thin a moattat chhoante hehma senthemthem jet a, ngale thin a nganoma Kristan khema kepwah.

ROMAN HEHNÂNG POLMA RAANGWAH SITI 9:2

Ngawah hungchhih pa chentô dônga, ngale ngahung khennâng leta jekli chhâ ehang

1 KORINT 12:3

Ngama nenâng arepa jetthuk huneka, henpa Joban Juma senlahma tongeka erehehma chenthumin “Jisu nâng têm athoak mah!” ngale chenthu Asâthôanju ma lechohsû kako henmemin “Jisu pa Teso,” ngama leta loatjabmin.

1 KORINT 16:22

Henhenma Teso nâng hunmah a - ereheh khohnâng achhih ehûa! Maranatha -Teso karoo!

2 KORINT 12:15

Ngama nganâng chentô tonghang heh, erediko ngadede min nekhu nâng chohsokrãng khuhah nâhah kohhun ekang. Erohwah ngama nekhu nâng ajah hundi, nekhuma nganâng mãnchha huneha?

GALATIEN 1:8

Rohkomin nimejô medang ekomin, ba rangkhethung wah Joban ngintatte heh mejô medang akomin, nima nenâng thôkotah Nginkongsen noma ahan methôhû kohhènko, ereheh chenthumin lemutthin pap wendô nâng chenkhamrii kawak a!

GALATIEN 1:9

Arepa amakomin nima thôkotah, ngale ademin thengak depthô koheka: nema ni ngewah chohtat letma keptet Nginkongsen noma ahan nginkongsen methôhu kohhènko, ereheh chenthumin lemutthin pap wendô nâng chenkhamrii kawak a!

GALATIEN 3:10

Henhenma Niemarang pa keplahma Niemarang ko dâlem eka erehehma Joban wah têm athoak chohmin. Chenrãngma ngako, Joban nyapraangma ngaeka, “Henhenma Niemarang titab kowah chentô raangthien eka heh roantangma lekep medang ako erehehma Joban wah têm athoak chohmin!”

GALATIEN 3:13

Rohkomin, Niemarang pumma têm athoak kephû erako, Krista ma nãngkhu litko tem athoakrii lahma nãngkhu pesiet ehi; Chenrãngma ngako Joban nyapraangma ngaeka, “Hen akomin bãngphak khoko rittek eka, erepumma Joban wah têm athoak choh eka.”

IFISIEN 6:5

Haaheh ne tângtewa ran tiichei letma ate nginkepkep dangen; ngale erepa nema Krista nâng soamtô eki ngama thonghun letma hungsâ rinsâma mo en.