ROMAN HEHNÂNG POLMA RAANGWAH SITI 9:1 - NIEMNYAN Naga NT (BSI)

¹ Ngama toangtang jabekang; Nga a Krista rãng ngale ngama mothô thômek. Ngahung ngarinmin Asâthôanju ma pêneka, ngale ereheh junma nga ma mothô thômek ngama jetrii ekang

ROMAN HEHNÂNG POLMA RAANGWAH SITI 9:1 Iomraidhean Croise

ROMAN HEHNÂNG POLMA RAANGWAH SITI 1:9

Joban ma ajet, ngama toangtang jabekang - are Joban ko Ngama ate Chha Nginkongsen pa phoangthô lekma ngahung phangtang koh lekma soamtô ekang. Joban ma ajet ngama

ROMAN HEHNÂNG POLMA RAANGWAH SITI 2:15

Thin moatlem junma Niemarang ma chien ekapa thinhung nâng raanglahma khesok eka. Ngale thinhung memin erepa toangtang ngama khesok eka, chenrãngma ngako poatpoat theko thinhungma achhih moeken ngama ngaeka, ngale poatpoat theko asen ngama ngaeka.

ROMAN HEHNÂNG POLMA RAANGWAH SITI 8:16

Joban Jupa ate dedema Ju demnâng roaplahma nãnga Joban Chha ngama loatjab eka.

ROMAN HEHNÂNG POLMA RAANGWAH SITI 9:2

Ngawah hungchhih pa chentô dônga, ngale ngahung khennâng leta jekli chhâ ehang

2 KORINT 1:12

Nima are nginpa rângthôeki, are hahtokkhoh ko nihung nirin pa sâpoangpoang tongeki, ngale ajahthem pejô Joban ma chohsok junko nekhu demnâng khuhah nâhah ngale hungsâ rinsâ danglihma tongeki, erepa mihnyan nyuchha buthi mongthem junko ledang Joban mînchenchaan junko tongeki.

2 KORINT 1:23

Nga hâkhi pa Joban tonga, atema ngahung ngarin pa ajet! ngale ngama nenâng ritngat pa lehun dângjun koba Korint nâng leka dângwah.

2 KORINT 11:10

Krista toangtangpa nganâng tông junko toamsem ekang, ngama arepa Akaia diak phangtang nâng lekihtong thangma ephoang rângthô ang.

2 KORINT 11:31

Joban ngale nãng Teso Jisu Wa - ate mînpa roantang roanjêng rãngma rângthôe! - Joban ma ajet ngama mothôthô dangmek.

2 KORINT 12:19

Nema eta thonghunthem en sanpoat roakweih nia ne mathahko nidede lolo senthôrii eki ngama. Eroh dangmah! Nia Krista ma chenroh jabthuk hun ehia ererãngrãng jôba Joban mathahko jabeki, ngale lemruchha heh, nima chentô moeki pa nekhu nâng chohsokrãng moeki.

GALATIEN 1:20

Ngama chenni raang ekanga erepa toangtang. Joban memin ajet, ngama mothô thômek!

FILIPIEN 1:8

Ngarãng hâkhi Joban tonga, ngale Ngama toangtang thôekang, Ngama nekhu khe nyahrãng huneka, ngale Jisu Krista ma hun rãngrãng jôba Ngama nekhu nâng huneka.

1 THISALONIKA 2:5

Nema senthemthem ajet, nia netânâng hokko nginmõang heh thôlihma hûho, ngale ninâng chenchoh sûhi ngama diapthôrii lihmamin hûho - Arepa Joban memin ajet!

1 TIMOTHI 1:5

Are chien ekangpa hungsâma hun achetmîn, hungpun rinpun, ngale linlin putedâlem pa thinnâng chenhonga ngama chien ekang.

1 TIMOTHI 2:7

ngale erohwah Nga a Joban moattatte rãng renlahma Jews ledangte hehnâng Joban nâng putedâlem le toangtang ngin heh hethôrãng chienchhoan wah. Ngama arepa mothôthô dangmek; Ngama toangtang ngin thôekang!

1 TIMOTHI 5:21

Joban ngale Jisu Krista erediko rangkhethung wah Joban ngintatte Asâthôan heh mathahko Ngama nangnâng thôkoh eki, are rîn akhah eki nginpa nangma keplohma nangma chenjô memo okomin hennângjô thhensok lehôan thangma mo o.