ROMAN HEHNÂNG POLMA RAANGWAH SITI 8:9 - NIEMNYAN Naga NT (BSI)

⁹ Rohkomin nea ne hei angem hung arinma thôkoh ehèn junko nekdangen; erenoma, Juma chenroh thôkoh ehèn a eroh dangen - eroh medang enko Joban Ju nehung khennâng linlin etonghèn. Henhen nâng Jisu Krista Ju aho dangeka ereheh Krista rãng tadangmah.

ROMAN HEHNÂNG POLMA RAANGWAH SITI 8:9 Iomraidhean Croise

LUK MA RAANGWAH NGINKONGSEN 11:13

Nea atô chhihjô medang enkomin, nema mâmâ chhanâng asenli kohpa jet eken. Eroh medang ako, rangkhethung wah tôngte Joban Wa mejã tanga atewah Asâthôanju thâte hehnâng kohpa chentô bâmjet eka!”

JON MA RAANGWAH NGINKONGSEN 14:17

Atea Ju, ngale atema Joban toangtang pa eloatsiet katra. Hahtokkhoh wah hehma ate kepmah, chenrãngma ngako thinma ate khemah ngale ajetmin jetmah. Rohkomin nema ate jet eken, chenrãngma ngako atea nedemnâng johtong ehèn ngale ne khennâng tong ehèn.

JON MA RAANGWAH NGINKONGSEN 14:23

Jisu ma atenâng dânthâng wah, “Henhenma nganâng hun ehanga erehehma ngama hethô ekang nginpa ekep a. Ngawa memin thinnâng ehun a, ngale Ewa chenii thin tânâng kalihma thin demnâng ejoh songkae.

JON MA RAANGWAH NGINKONGSEN 3:34

Henpa Joban ma chienkat era erepumma Joban ngin thôeka, chenrãngma ngako atenâng Joban ma ate Jupa mênchong koheka.

JON MA RAANGWAH NGINKONGSEN 3:6

Mihnyan hei angem phoangpa nyong awa ma chhaehi, rohkomin jupa Juma chhatmin.

MOATLEM 16:7

Chenthu thin Mysia jatrii nâng hokphumma, thinma Bithania diak ngenâng wângrãng phungwah, rohkomin Jisu Juma thin enâng wãngthuk ho.

ROMAN HEHNÂNG POLMA RAANGWAH SITI 7:5

Chenthu nãng mihnyan hei angem hung arin junko sôngtông poatko, Niemarang pumma nãnghung nãngrinko papmoatlem moatthukwah, ngale ere papmoatlem pumma nãng phoangpa pênlahma dângwah, erohwah nãng moatlem junko rit rewah.

ROMAN HEHNÂNG POLMA RAANGWAH SITI 8:1

Erohwah, ade phumma hen Jisu Krista demnâng dangeka ereheh nâng achhih lenga tumin.

ROMAN HEHNÂNG POLMA RAANGWAH SITI 8:11

Jisu Krista ritwah ngakhînsiette Joban Jupa nehung khennâng metong hènko, ere Jisu Krista ritwah ngakhînsiette pumma ate Ju nedemnâng johtong lahma ne hei angem phoang komin roandông ekoh a.

ROMAN HEHNÂNG POLMA RAANGWAH SITI 8:2

Chenrãngma ngako Jisu Krista demnâng roamlahma nãngnâng roandông kephok kohte Ju niemarang, pumma nga pap ngale rit niemarang kowah lâpesiet thang.

1 KORINT 15:23

Rohkomin chentôpa mâmâ khô alemko ngakhînmin: Chentô noma khebeng thôan ko Krista ngakhînmin; erediko ate ngakkat sanpoatko henhen aterãng dangeka ereheh ngakhînmin.

1 KORINT 3:16

Linlin nemajet, nea Joban rangsoamhum ngale Joban Jupa nekhen nâng tongeka!

1 KORINT 6:17

Phumma henhen Teso demnâng johroap eka, erepa ju nângmin Teso demnâng phoangthe lâdangtah.

1 KORINT 6:19

Nema ne phoangpa Asâthôanju rangsoamhum ngama jetmetne, ere Asâthôanju pa nesekkhen ko tongeka, ngale erepa Joban ma nenâng kohwah? Ne phoangpa nedede rãng dangmah, erepa Joban rãng;

2 KORINT 10:7

Nekhuma rongrup nângjô tokkhohnâng lolo sûeken. Nekhuwah hen akomin atea Krista rãng ngama tâchâritte mihnyan tongen a? Sen a, rohkomin ade rekthe thindede chenthe ngakthong hunrii tan a, chenrãngma ngako, thin chenroh Krista rãng dangeka eroh jôba nimin Krista rãng dangeki.

2 KORINT 6:16

Joban Rangsoamhum pa moangachaang heh demnâng chenroh jienroammin a? Chenrãngma ngako nãnga ahîn Joban Rangsoamhum! Joban ma ate dedema ngatwah, “Nga a nganâng putedâlemte mihnyan heh demnâng eroamsong ang ngale thindemko khoam achi lekma etongang; Nga a thin Joban rãng edangang, ngale thinmin nganâng putedâlemte mihnyan rãng edanga.”

GALATIEN 4:6

Ngale nekhua ate Chha ngama khesokrãng ma chienkatwah, Joban ma ate Chha Jupa nãnghung khennâng chienkat era, ere Ju pumma, “Wa, Ewa,” ngama raksep eka.

GALATIEN 5:24

Ngale henhen Jisu Krista demnâng johdang eka erehehma mihnyan nyuchha hei angem jat apat, ngale atema huneka chentô heh ritphe rêmin.

IFISIEN 1:13

Ngale chenthu nema khope kephok kohte linlin Nginkongsen pa chohtet a, ere phumma nemin Joban mihnyan lâdangtet. Nema Krista nâng putedâlem eken, ngale Joban pa ne Tângte ngama jetrãng atema toamsem tah Asâthôanju pa nenâng kohlahma mãnhôan ehèn.

IFISIEN 2:22

Nemin ate demnâng roamletma mihhan heh demnâng ate Ju junma Joban sôngthin therãng hôan ehèn.

IFISIEN 3:17

ngale putedâlem junma nehung khennâng Krista chentonghèn ngama rangsoam ekang. Erediko ne roandôngko hun achet mînpa rongtêngtêng chenhun chenchhâmîn en ngama soam ekang,

FILIPIEN 1:19

chenrãngma ngako, Ngama jet ekang, nekhu rangsoam junma, erediko Jisu Krista Juma chohsok junko Nga eta pechhoan ang.

2 TIMOTHI 1:14

Nãngkhu khenwah sôngte Asâthôanju chaan junma nangnâng sûare thuktho asenli heh senthemthem thien o.

1 PITER 1:11

Thinma erepa chenre sanpoatko dângmin a ngale erepa chenroh hokmin a ngama thatlemte wah. Ere sanpoatko thin khenwah Krista Ju tongeka pumma thinnâng Krista ma chêmchoh lahma atema ere chêmpa tadô lahma erediko atema mîndông rângthô choh eka heh jetthuk lahma loatthô thukwah.

1 JON 3:24

Henhenma Joban ngin kepeka ereheh Joban demnâng aroamma tongeka, ngale Joban min thin demnâng aroamma tongeka. Ngale Joban ma nãngnâng kohehi Ju junma nãngma Joban nãng demnâng aroamma tongehi ngama jeteka.

1 JON 4:13

Nãngma linlin jeteki nãnga Joban demnâng aroamma songtong eki, ngale Joban min nãng demnâng aroamma tongehi, chenrãngma ngako atema nãngnâng ate Ju kohehi.

1 JON 4:4

Ngachhu Ngachha heh, rohkomin nea Joban thiakrãng lâdangtet, ngale mõngmõang heh nema lâtajientet, chenrãngma ngako, ne ngewah Jupa are hahtokkhoh thiakrãng dângte heh ju noma bâmbâm Juchaan.

LOATKHESOK 13:8

Hahtokkhoh wah sôngte chentô mihnyan hehma atenâng esoam a, rohkomin rang ahah hôan mama henhen mînpa ahîn titab nâng raangthientah a, ngale henhen pa ritphe retah Saakchha rãng dângtea erehehma loloba lesoam edanga.

LOATKHESOK 20:15

Henhen mînpa ahîn titab nâng leraangthien dangeka ere mihnyan heh wennâng phekatwah.